རང་ཟླ་ ༧ པའི་ཚེས་ ༡༥ ལུ་ ཕྱི་རོའི་ཆུ་ཚོད་ ༩ དང་ སྐར་མ་ ༡༣ ལས་ ཟླཝ་གཟའ་འཛིན།

ཤིང་སྦྲུལ་ཟླཝ་ ༧ པའི་ཚེས་ ༡༥ སྤྱི་ཟླ་ ༩ པའི་ཚེས་ ༧ ལུ་ ཕྱི་རོའི་ཆུ་ཚོད་ ༩ དང་ སྐར་མ་ ༡༣ ལས་ སྤྱི་ཟླ་ ༩ པའི་ཚེས་ ༨ ཀྱི་ དྲོ་པའི་ཆུ་ཚོད་ ༣ དང་ སྐར་མ་ ༡༢ ཚུན་ ཟླཝ་གཟའ་འཛིན་ཡོད་པའི་སྐོར་ལས་ ཐིམ་ཕུ་དགེ་འདུན་རྩིས་གཞུང་མཐོ་རིམ་སློབ་གྲྭའི་ནང་ལས་ གསལ་བསྒྲགས་འབདཝ་ཨིན་པས།
དེ་ཡང་ སྒྲ་གཅན་རཱ་ཧུ་ལ་གིས་ དུས་ཡུན་ཆུ་ཚོད་ ༦ གི་རིང་ལུ་ བྱང་ཤར་དབང་ལྡན་ཕྱོགས་ལས་ ཟླ་བའི་དཀྱིལ་འཁོར་ཧྲིལ་པོར་ སྒྲིབ་ནི་ཨིན་མི་དེ་ མི་མང་ཡོངས་ཀྱིས་ མཐོང་གསལ་ཆེ་བའི་གཞི་ལུ་ འགྱུར་ནི་ཨིནམ་སྦེ་ གསལ་བསྒྲགས་ནང་བཀོད་ནུག།
དེ་བསྒང་ དགེ་སྡིག་སྤང་བླངས་ཚུ་ ག་ཅི་གི་ཐེད་ལས་འབད་རུང་ ཟླ་འཛིན་གྱི་སྐབས་ལུ་ བྱེ་བ་བདུན་འགྱུར་དང་ ཉི་འཛིན་གྱི་སྐབས་ལུ་ བྱེ་བ་འབུམ་འགྱུར་ཡོདཔ་སྦེ་ གསུངས་ཡོདཔ་བཞིན་དུ་ བསྐྱེད་རྫོགས་ཉམས་ལེན་དང་ ཕྱག་མཆོད་སྦྱིན་གཏོང་ལ་སོགས་པའི་ རྣམ་དཀར་དགེ་བའི་ལཱ་ལུ་ བརྩོན་པ་ཅིན་ ལེགས་ཤོམ་འོང་ནི་ཨིནམ་སྦེ་ཡང་ བཀོད་ཡོད་པའི་གནས་ཚུལ།

Please follow and like us: