ཚེ་ཚད་སྐྱེས་ལོ་ ༡༠༠ ལྷག་མི་ མང་ཤོས་ར་ རྒྱ་པཱན་ལུ་ཡོད་པའི་ ཐོ་དེབ་གསལ་སྟོན།

བི་བི་སི།

རྒྱ་པཱན་གཞུང་གིས་ གསལ་བསྒྲགས་ཅིག་ནང་ བཀོད་དོ་བཟུམ་འབད་བ་ཅིན་ རྒྱ་པཱན་ལུ་ སྐྱེས་ལོ་ ༡༠༠ ལས་ལྷག་མི་ ཧ་ལམ་འབུམ་ ༡ དེ་ཅིག་ཡོད་ཟེར་ཨིནམ་ད་ དེ་ཡང་ རྒྱ་པཱན་གྱི་ མི་སེར་ཚུ་གི་ གཟུགས་ཁམས་ལུ་འཕྲོད་པའི་ བཟའ་འཐུང་སྤྱོད་མི་དང་ སྤྱིར་བཏང་གི་ ནད་གཞི་ཉུང་སུ་འབད་མི་ དེ་ལས་ མཉམ་བསྡོམས་ཐོག་གི་ ལུས་སྦྱོང་གི་ ལམ་སྲོལ་ཚུ་ལུ་བརྟེན་ཏེ་ འོང་ནི་མས་ཟེར་ཨིན་པས།  

སྤྱི་ཟླ་ ༩ པའི་ཚེས་ ༡༢ ལུ་ རྒྱ་པཱན་གྱི་ གསོ་བའི་ལྷན་ཁག་ལས་ ད་རེས་ནངས་པར་ རྒྱ་པཱན་ལུ་ སྐྱེས་ལོ་ ༡༠༠ ལས་ལྷག་མི་ ༩༩,༧༦༣ ཡོདཔ་སྦེ་ བཤད་ཡོདཔ་ད་ དེ་ཡང་ ཨམ་སྲུ་ ༨༧,༧༨༤ དང་ ཕོ་སྐྱེས་ ༡༡,༩༧༩ ཡོདཔ་སྦེ་བཀོད་ནུག།

འཛམ་གླིང་ནང་ ཚེ་ཚད་རིང་ཤོས་ རྒྱ་པཱན་གྱི་ མི་སེར་ཚུ་ཨིན་རུང་ ཨ་ལོ་གསར་སྐྱེས་ཀྱི་ ཚད་གཞི་དེ་ ག་ནི་བ་ དམའ་སུ་སྦེ་ཡོདཔ་ད་ ལོ་ན་རྒས་ཤོས་ཀྱི་ཐེད་ཁར་ ཨམ་སྲུའི་གྲས་ལས་ ན་ར་ཁྲོམ་གྱི་ས་ཁོངས་ ཡ་མ་ཏོ་ཀོ་རི་ཡ་མ་ལས་ སྐྱེས་ལོ་ ༡༡༤ འབད་མི་ ཨམ་ཤི་གེ་ཀོ་ ཀ་ག་ཝ་དང་ ཕོ་སྐྱེས་རྒས་ཤོས་དེ་ ཨི་ཝ་ཏ་ཁྲོམ་ཁ་ལས་ སྐྱེས་ལོ་ ༡༡༡ འབད་མི་ ཀི་ཡོ་ཏ་ཀ་ མི་ཟུ་ནོ་ཟེར་མི་ཨིན་པས།

གསོ་བའི་ལྷན་ཁག་གི་ སྙན་ཞུ་དང་དང་འཁྲིལཝ་ད་ དུས་ཅི་ སྐྱེས་ལོ་ ༡༠༠ འབད་མི་ ༥༢,༣༡༠ ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།