ཨཱཛ་ཊེ་ལི་ཡ་ལུ་ བཙོག་རླུང་མཐོ་དྲགས་ཡོད་མི་དེ་ སྤྱི་ལོ་ ༢༠༣༥ ལོར་ མར་ཕབ་ཀྱི་གསལ་བསྒྲགས།

བི་བི་སི།
ཨཱཛ་ཊེ་ལི་ཡ་དེ་ འཛམ་གླིང་ནང་ བཙོག་རླུང་མཐོ་དྲགས་ཡོད་མི་ཅིག་ཨིན་རུང་ གཞུང་གི་ཁ་ཐུག་ལས་ སྤྱི་ལོ་ ༢༠༠༥ གི་ ནང་འཁོད་ལུ་ བཙོག་རླུང་བརྒྱ་ཆ་ ༦༢ དེ་ཅིག་ མར་ཕབ་འབད་ནི་གི་ དམིགས་གཏད་སྐྱེད་དོ་ཟེར་ཨིན་པས།
རྒྱལ་ཁབ་དེ་གིས་ ཧེ་མ་ཡང་ སྤྱི་ལོ་ ༢༠༣༠ གི་ ནང་འཁོད་ལུ་ བཙོག་རླུང་བརྒྱ་ཆ་ ༤༣ མར་ཕབ་འབད་ནི་གི་ ཁས་བླངས་འབད་ནུག།
ཨཱཛ་ཊེ་ལི་ཡའི་བློན་ཆེན་ ཨེན་ཐོ་ནི་ ཨཱལ་བ་ནིཛ་གིས་ སྤྱི་ཟླ་ ༩ པའི་ཚེས་ ༡༨ ལུ་ དམིགས་གཏད་གསརཔ་ཅིག་ འགོ་འབྱེད་འབད་མི་དེ་ ཚན་རིག་གིས་ རྒྱབ་སྐྱོར་འབད་མི་ འགན་ཁུར་ཅན་གྱི་ དམིགས་གཏད་དང་ དེ་ཁར་ལྷོད་ནི་གི་ ཉམས་ལེན་འཆར་གཞི་ཅིག་ཨིན་ཟེར་ གསུངས་ཡོདཔ་ཨིན་པས།
གཞུང་གི་ཁ་ཐུག་ལས་ བདུན་ཕྲག་འདི་ནང་ ཉེན་ཁ་བརྟག་ཞིབ་འབདཝ་ད་ མི་གིས་བཟོ་མི་ གནམ་གཤིས་འགྱུར་བ་ལུ་བརྟེན་ཏེ་ ཨཱཛ་ཊེ་ལི་ཡ་ལུ་ མ་འོངས་པར་ གནམ་གཤིས་གནས་སྟངས་ གནམ་མེད་ས་མེད་ སྐྱོ་དྲགས་ཅིག་སྦེ་ འཐོན་ནི་ཨིན་པའི་ ཉེན་བརྡ་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: