མི་དབང་མངའ་བདག་རིན་པོ་ཆེ་མཆོག་གིས་ ཨེ་ཤི་ཡ་ གོང་འཕེལ་དངུལ་ཁང་གི་ གཙོ་འཛིན་དང་མཇལ་ཕྲད།

པདྨ་དབང་འདུས།

སྤྱི་ཟླ་ ༩ པའི་ཚེས་ ༢༤ ལུ་ མི་དབང་མངའ་བདག་རིན་པོ་ཆེ་མཆོག་གིས་ འབྲུག་རྒྱལ་ཁབ་ནང་ གཟིགས་སྐོར་ལུ་བྱོན་མི་ ཨེ་ཤི་ཡ་ གོང་འཕེལ་དངུལ་ཁང་གི་གཙོ་འཛིན་ མ་ས་ཏོ་ཀཱན་ཌ་དང་ མཇལ་ཕྲད་མཛད་གནང་ནུག།

ཨེ་ཤི་ཡ་ གོང་འཕེལ་དངུལ་ཁང་དེ་ ཨེ་ཤི་ཡ་དང་ པེ་སི་ཕིག་ ལུང་ཕྱོགས་ནང་ ཡུན་བརྟན་ཅན་གྱི་ དཔལ་འབྱོར་གོང་འཕེལ་ལུ་ དམིགས་གཏད་བསྐྱེད་མི་ ལས་འགུལ་ཚུ་ལུ་ དངུལ་འབྲེལ་དང་ ཁྱད་རིག་གི་ གྲོགས་རམ་བྱིན་མི་ ལུང་ཕྱོགས་གོང་འཕེལ་གྱི་ དངུལ་ཁང་ཅིག་ཨིན་པས།

འབྲུག་གི་ཐེད་ཁར་ གཞི་རྟེན་མཁོ་ཆས་དང་ སླར་བྱུང་ནུས་ཤུགས་ གནམ་གཤིས་འགྱུར་བ་ཐུབ་པའི་ གསར་བཏོད་ལས་སྣ་ཚུ་གི་དོན་ལུ་དང་ གཞན་ཡང་ འཚོ་རྟེན་ཡར་དྲགས་དང་ ཀུན་ཚང་ཡུན་བརྟན་གོང་འཕེལ་ཚུ་གི་དོན་ལུ་ ཨེ་ཤི་ཡ་ གོང་འཕེལ་དངུལ་ཁང་དང་གཅིག་ཁར་ མཉམ་འབྲེལ་འཐབ་དོ་ཡོདཔ་ཨིན་པའི་ གནས་ཚུལ་མདོར་བསྡུས།