མི་དབང་མངའ་བདག་རིན་པོ་ཆེ་མཆོག་ལུ་ རྒྱ་གར་གཞུང་ཚབ་གསརཔ་གིས་ ངོ་སྤྲོད་ཡིག་ཆ་ཚུ་ཕུལ་ཡོདཔ།

པདྨ་དབང་འདུས།
སྤྱི་ཟླ་ ༩ པའི་ཚེས་ ༢༤ ལུ་ འབྲུག་བཞུགས་རྒྱ་གར་གཞུང་ཚབ་གསརཔ་ སཱན་དིབ་ཨ་རི་ཡ་གིས་ མི་དབང་མངའ་བདག་རིན་པོ་ཆེ་མཆོག་ལུ་ གཞུང་ཚབ་ངོ་སྤྲོད་ཀྱི་ ཡིག་ཆ་ཚུ་ཕུལ་ནུག།
གཞུང་ཚབ་ཨ་རི་ཡ་དེ་ འབྲུག་ལུ་ མ་འོང་པའི་ཧེ་མར་ ཝི་ཡེཊ་ནཱམ་ལུ་ རྒྱ་གར་གཞུང་ཚབ་སྦེ་ ཕྱག་ཞུ་ཡོདཔ་ད་ ད་རེས་ འབྲུག་ལུ་ ད་ཚུན་ཡོད་མི་ རྒྱ་གར་གཞུངཚབ་ སུ་དྷ་ཀར་ ད་ལེ་ལའི་ ཚབ་འཛིན་འབད་ནི་ཨིན་པས།
གཞུང་ཚབ་སཱན་དིབ་ ཨ་རི་ཡ་གིས་ སྤྱི་ལོ་ ༡༩༩༤ ལུ་ རྒྱ་གར་གྱི་ ཕྱི་འབྲེལ་ལཱ་གཡོག་ནང་ འཛུལ་ཞུགས་འབད་བའི་ཤུལ་ལས་ མོཛ་ཀོཝ་དང་ ཀི་ཡིབ་ ད་ཧཱེག་ དར་ཨིཛ་ལམ་ཚུ་ལུ་ཡོད་མི་ རྒྱ་གར་གྱི་ དོན་གཅོད་ཡིག་ཚང་ཚུ་ནང་ ཕྱག་ཞུ་ནུག།
དེ་སྦེ་ ངོ་སྤྲོད་ཡིག་ཆས་ཚུ་ ཕུལ་བའི་ཤུལ་ལུ་ གཞུང་ཚབ་སཱན་དིབ་ ཨ་རི་ཡ་དང་ ཨམ་ཌོག་ཊར་སུ་བེ་ཏ་སིང་ ༢ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གི་ སྐུ་མདུན་ལུ་ བཅར་ཡོད་པའི་གནས་ཚུལ།

Please follow and like us: