ནེ་པཱལ་གྱི་ བློན་ཆེན་བགྲེསཔ་དང་ ཆེ་མཐོའི་འགོ་དཔོན་ཚུ་ འགྲུལ་བསྐྱོད་བཀག་དམ།

ཨེན་ཌི་ཊི་ཝི།

སྤྱི་ཟླ་ ༩ པའི་ཚེས་ ༢༩ ལུ་ ནེ་པཱལ་གྱི་ ནང་སྲིད་བློན་པོ་གིས་ བཤད་དོ་བཟུམ་འབད་བ་ཅིན་ འཕྲལ་ཁམས་ཅིག་ཁར་ བློན་ཆེན་གྱི་ གོ་གནས་ལས་ ཕྱིར་བཏོན་འབད་མི་ ཀེ་པི་ཤར་མ་ ཨོ་ལི་དང་ ཆེ་མཐོའི་འགོ་དཔོན་ ༤ ཕན་ཚུན་འགྲུལ་བསྐྱོད་འབད་ནི་ལས་ བཀག་དམ་འབད་ཡི་ཟེར་ཨིན་པས།

དེ་ཡང་ སྤྱི་ཟླ་ ༩ པའི་ཚེས་ ༨ ལུ་ ནེ་པཱལ་རྒྱལ་ཁབ་ནང་ མི་སྡེ་བརྡ་བརྒྱུད་བཀག་དམ་དང་ དཔལ་འབྱོར་གྱི་དཀའ་ངལ་ དེ་ལས་ ངན་ལྷད་ཚུ་གི་སྐོར་ལས་ ན་གཞོན་ཚུ་གིས་ འགོ་འཁྲིད་འབད་དེ་ ངོ་རྒོལ་འབད་མི་ཚུ་ རྒྱལ་ཁབ་ནང་འཁོད་ལུ་ དུས་ཡུན་ཐུང་ཀུ་ཅིག་གི་ནང་ར་ ཁོང་ཁྲོ་ཅན་ཅིག་ལུ་གྱུར་ནུག།

དེ་བསྒང་ ཉིན་གྲངས་ ༢ ཀྱི་ དྲག་རྒོལ་སྐབས་ལུ་ མི་གྲངས་ ༧༣ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ སྤྱི་ཚོགས་དང་ གཞུང་གི་ཡིག་ཚང་ཚུ་ཡང་ མེ་བཏང་སྟེ་ སྲིད་གཞུང་ཡང་ ཧྲམ་བཏང་ཡོདཔ་ཨིན་པས།

དེ་ལས་ གཞན་ཡང་ ནང་སྲིད་བློན་པོ་བགྲེསཔ་ ར་མེཤ་ལེ་ཁག་དང་ རྒྱལ་ཡོངས་ཞིབ་དཔྱད་སྲུང་སྐྱོབ་ལས་ཁུངས་ཀྱི་ འགོ་དཔོན་བགྲེསཔ་ ཧུ་ཏ་རཱཇ་ཐ་པ་གི་གཙོས་པའི་ ཆེ་མཐོའི་འགོ་དཔོན་ ༢ ཡང་ འགྲུལ་སྐྱོད་བཀག་དམ་འབད་ནུག་ཟེར་ བཀོད་འདུག་པའི་གནས་ཚུལ།