པདྨ་དབང་འདུས།
སྤྱི་ཟླ་ ༡༠ པའི་ཚེས་ ༦ ལུ་ མི་དབང་རྒྱལ་བཙུན་མཆོག་གིས་ ཐིམ་ཕུ་ཞི་ཆེན་མཁར་ ཞལ་འཛོམས་ཁང་ནང་སྦེ་ ལོ་བསྟར་པདྨའི་ཞལ་འཛོམས་ ཐེངས་ ༣ པའི་ འགོ་འབྱེད་རྟེན་འབྲེལ་ནང་ དབུ་བཞུགས་མཛད་གནང་ནུག།
ཉིན་གྲངས་ ༣ གྱི་ ཞལ་འཛོམས་དེ་ནང་ གྲལ་གཏོགས་ཀྱི་དོན་ལས་ རྒྱལ་ཁབ་ཕྱི་ནང་ ༢ ལས་ སེམས་ཁམས་རིག་པའི་ མཁས་མཆོག་དང་ རྒྱབ་སྐྱོར་པ་ཚུ་ འཛོམས་ཡོདཔ་ད་ ཞལ་འཛོམས་དེ་གི་ གཞི་དོན་དེ་ཡང་ གཞོན་སེམས་ལུ་ ལྕོགས་གྲུབ་དང་ མ་འོངས་བཙན་ཐབས་: ཨ་ལོ་དང་ ན་ལོན་ཚུ་གི་ སེམས་ཁམས་འཕྲོད་བསྟེན་དང་ བདེ་ཉམས་ལུ་ མ་རྩ་གཞི་བཙུགས་ཟེར་ བཀོད་དེ་ཡོདཔ་ཨིན་པས།
དེ་བསྒང་ མི་དབང་རྒྱལ་བཙུན་མཆོག་གིས་ ང་བཅས་རའི་ ཨ་ལོ་ཚུ་གི་ བདེ་ཉམས་སྐྱོང་བཞག་གི་དོན་ལུ་ གཅིག་སྒྲིལ་ཐོག་གི་ འགན་ཁུར་སྐོར་ལས་ གསུངས་གནང་ཡོདཔ་ད་ དེ་ཡང་ ཤེས་རིག་དང་ གསོ་བ་ ཡང་ཅིན་ གོང་འཕེལ་ཚུ་ནང་ ཡར་འཕེལ་ག་དེམ་ཅིག་བྱུང་རུང་ ང་བཅས་རའི་ ཨ་ལོ་ཚུ་གི་རྒྱུད་ལུ་ ཉེན་སྲུང་དང་ རྒྱབ་སྐྱོར་གྱི་ ཚོར་སྣང་ཙམ་ཡང་མེད་པར་ ཡིད་ཆེས་དང་ དགའ་སྐྱིད་ཀྱི་ངང་ལུ་ སྦོམ་ཐབས་མེད་པ་ཅིན་ ང་བཅས་ མི་སྡེ་ཅིག་སྦེ་ གནས་མི་ཚུགས་ཟེར་ གསུངས་གནང་ནུག།
གནས་ཚུལ་ཁ་གསལ་ གློག་རིག་སྒྲིག་བཀོད་ (PDF) ཐོག་ལུ་ རེས་གཟའ་ཟླ་བའི་ ཐོན་རིམ་ནང་ གཟིགས་གནང་ལགས།
Users Today : 363
Users Yesterday : 455
This Month : 24530
This Year : 157265
Total Users : 515242
Views Today : 700
Total views : 1650040
Who's Online : 8