ཨིཛ་རེལ་གྱིས་ ག་ཟ་ལུ་ གནོད་འཚུབ་བཀལ་ཏེ་ པེ་ལེཛ་ཊིན་གྱི་ མི་སེར་ ༣༢ དེ་ཅིག་ དམར་བསད་འབད་ཡོདཔ།

སི་ཨེན་ཨེན།

ཨིཛ་རེལ་དང་ ཧ་མཱཛ་གི་བར་ན་ དམག་འཁྲུག་མཚམས་འཇོག་གི་ གན་རྒྱ་བཟོ་བའི་ཤུལ་ལས་ ཨིཛ་རེལ་གྱིས་ ག་ཟ་ལུ་ གནོད་འཚུབ་བཀལ་ཏེ་ པེ་ལེཛ་ཊིན་གྱི་ མི་སེར་ ༣༢ དེ་ཅིག་ དམར་བསད་འབད་ནུག།

དེ་ཡང་ པེ་ལེཛ་ཊིན་གྱི་ གསོ་བའི་ལྷན་ཁག་ལས་ བཤད་དོ་བཟུམ་འབད་བ་ཅིན་ སྤྱི་ཟླ་ ༡༡ པའི་ཚེས་ ༡༩ དང་ ༢༠ ལུ་ འཕྲོ་མཐུད་དེ་ར་ གནོད་འཚུབ་བཀལ་མིའི་ནང་ ཤི་རྐྱེན་བྱུང་མི་ཚུ་གི་གྲས་ཁར་ ཨ་ལོ་ ༡༢ དང་ ཨམ་སྲུ་ ༨ ཡོདཔ་མ་ཚད་ གཞན་མི་ ༨༨ ལུ་ཡང་ རྨ་སྐྱོན་བྱུང་ནུག་ཟེར་ཨིན་པས།

ཨིཛ་རེལ་གྱི་ སྲུང་སྐྱོབ་དམག་སྡེ་གིས་ ཧ་མཱཛ་གུ་ དམིགས་གཏད་བསྐྱེད་དེ་ གནོད་འཚུབ་བཀལ་བའི་ཤུལ་ལས་ གཡིབ་དམག་ཚུ་གིས་ ལྷོ་ཕྱོགས་ག་ཟའི་ས་གནས་ ཁཱན་ཡུ་ནིཛ་ཟེར་སར་ཡོད་མི་ ཨིཛ་རེལ་གྱི་ དམག་མི་ཚུ་ལུ་ ཀྲོབ་མདའ་རྐྱབ་ཡོདཔ་སྦེ་བཤད་ནུག།

ཨིཛ་རེལ་དམག་སྡེ་གིས་ དེ་བཟུམ་མའི་ བྱ་སྤྱོད་འབད་མི་དེ་ དམག་འཁྲུག་མཚམས་འཇོག་གི་ གན་རྒྱ་ལས་ འགལ་བ་འི་ བྱ་སྤྱོད་ཅིག་ཨིནམ་སྦེ་ བཤད་ཡོདཔ་ད་ རྐྱེན་ངན་དེ་ནང་ དམག་མི་ཕུད་རྡོག་ཅིག་ལུ་ཡང་ རྨ་སྐྱོན་མ་བྱུང་ཟེར་ཨིན་པས།

ཨིཛ་རེལ་གྱིས་ དེ་བཟུམ་མའི་ བྱ་ངན་འབད་མི་དེ་ དམག་འཁྲུག་མཚམས་འཇོག་གི་ གན་རྒྱ་ལས་ འགལ་བ་ཨིན་པ་ལུ་བརྟེན་ཏེ་ ཡུ་ཨེཛ་གིས་ ང་བཅས་རའི་ འགྲོ་བ་མི་ལུ་ བྱ་ངན་འབད་ནི་དེ་ཚུ་ འཕྲལ་མགྱོགས་ར་ བཀག་དམ་འབད་དགོ་པའི་ གསལ་བཤད་འབད་ནུག།

འཛམ་གླིང་སྤྱི་ཚོགས་ སྲུང་སྐྱོབ་ཚོགས་སྡེ་གིས་ ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་གྱིས་ ཡུན་བརྟན་ཞི་བདེ་དང་ ཉམས་ཆག་ཤོར་མི་ ས་ཁོངས་ཚུ་ བསྐྱར་བཟོ་འབད་ནི་གི་ འཆར་གཞི་བཀོད་མི་དེ་ ཆ་འཇོག་འབད་བའི་ ཉིནམ་དག་པ་ཅིག་གི་ཤུལ་ལས་ བྱ་ངན་དེ་ ལག་ལེན་འཐབ་ནུག་ཟེར་ བཀོད་འདུག་པའི་གནས་ཚུལ།