རྒྱལ་ཁབ་ནང་ སྡོད་ཁྲི་ ༨ འབད་མི་ གནམ་གྲུ་ཆུང་ཀུ་གསརཔ་ཅིག་ ཉོ་འདྲེན་འབད་བའི་ བསུ་སྟོན་རྟེན་འབྲེལ།

སྤྱི་ཟླ་ ༡༡ པའི་ཚེས་ ༢༧ ལུ་ འབྲུག་མཁའ་འགྲུལ་གྱི་ གནམ་གྲུ་གསརཔ་ པི་ལེ་ཊཱཛ་-༢༤ ཟེར་མི་ཅིག་ སྤ་རོ་རྒྱལ་སྤྱི་གནམ་ཐང་ནང་ ལྷོད་ཡོད་མི་དེ་ འབྲུག་རྒྱལ་ཁབ་ཀྱི་ མཁའ་འགྲུལ་ལྕོགས་གྲུབ་ བཙན་ཐབས་དང་ རྒྱལ་ཡོངས་ཀྱི་ གནམ་གྲུའི་གྱངས་ཁ་ ཡར་སེང་དང་འབྲེལ་ཏེ་ གལ་གནད་ཆེ་བའི་ མདུན་བསྐྱོད་ཀྱི་ གནད་དོན་ཅིག་ཨིན་པས།
སུ་ཡིད་ཛར་ལེན་ལུ་ བཟོ་བསྐྲུན་འབད་མི་ སྡོད་ཁྲི་ ༨ འབད་མི་ གནམ་གྲུ་དེ་ རྩིས་ནག་མ་བཏང་པའི་ གནམ་ཐང་ཆུང་ཀུ་ཚུ་ནང་ ལག་ལེན་འཐབ་བཏུབ་མ་ཚད་ འཕུར་འགྲུལ་གྱི་ ཁྱད་ཆོས་ཡང་ འབྲུག་གི་སའི་ཆགས་ཚུལ་ལུ་ དམིགས་བསལ་གྱིས་ འོས་འབབ་ཡོདཔ་སྦེ་བཀོད་ནུག།
གནམ་གྲུ་དེ་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་དང་ གཞན་ཡང་ གློ་བུར་གྱི་ ལག་ལེན་དང་ ལཱ་འགན་ཚུ་ལུ་ ཆེད་དུ་དམིགས་པའི་ འགྲུལ་བསྐྱོད་ཚུ་བརྩིས་ཏེ་ འོས་འབབ་དང་ལྡན་པའི་ འགྲོ་འགྲུལ་ལུ་ཡང་ རྒྱབ་སྐྱོར་འབད་ནི་ཨིན་པས།
གནམ་གྲུ་དེ་ སྤ་རོ་རྒྱལ་སྤྱི་གནམ་ཐང་ནང་ ཆགས་པའི་ཤུལ་ལུ་ རང་ལུགས་ཆིབས་གྲལ་ཐོག་ལས་ བསུ་སྟོན་འབད་བའི་ ལས་རིམ་ནང་ མི་རྗེ་བློན་ཆེན་མཆོག་ དབུ་བཞུགས་ཐོག་ལུ་ འབྲུག་གཞུང་དང་ དགེ་ལེགས་ཕུག་ དྲན་ཤེས་ཁྲོམ་ཚོགས་དང་ འབྲུག་མི་སེར་རྒྱུ་ནོར་གཞི་བཟུང་ལས་སྡེ་ དེ་ལས་ འབྲུག་མཁའ་འགྲུལ་འཛིན་སྐྱོང་ཚུ་གི་ ཆེ་མཐོའི་འགོ་དཔོན་ཚུ་དང་ སྤ་རོ་རྒྱལ་སྤྱི་གནམ་ཐང་གི་ འགོ་འཛིན་ཚུ་གིས་ གྲལ་གཏོགས་འབད་ནུག།
ད་རེས་ གནམ་གྲུ་པི་སི་-༢༤ ཟེར་མི་དེ་ འབྲུག་མཁའ་འགྲུལ་གྱི་ གནམ་གྲུའི་སྡེ་ཚན་ལུ་ ཁ་སྐོང་བཀལ་མི་དེ་གིས་ འབྲུག་མཁའ་འགྲུལ་གྱི་ ཁ་ཐུག་ལས་ རྒྱལ་ཡོངས་ཀྱི་ མཁའ་འགྲུལ་བཙན་ཐབས་འབད་ནི་དང་ འབྲུག་གི་ཁྱབ་ཆེ་བའི་ གོང་འཕེལ་གྱི་ དམིགས་དོན་ཚུ་ བསྒྲུབ་ནི་ལུ་ རྒྱབ་སྐྱོར་འཕྲོ་མཐུད་ཀྱི་ ཁས་ལེན་དེ་ གལ་ཆེཝ་སྦེ་ བརྩི་སྲོལ་ཡོད་པའི་ བརྡ་མཚོན་སྟོན་ཡོད་པའི་གནས་ཚུལ།

Please follow and like us: