ཨཕ་གྷ་ནིཛ་ཏཱན་ལུ་ ཆུ་རུད་ཀྱིས་ མི་གྲངས་ ༡༧ ལུ་ ཤི་རྐྱེན་དང་ ༡༡ ལུ་རྨ་སྐྱོན།

ཨེ་བི་སི།  

སྤྱི་ཟླ་ ༡ པའི་ཚེས་ ༡ ལུ་ ཨཕ་གྷ་ནིཛ་ཏཱན་ རྒྱལ་ཡོངས་རྐྱེན་ངན་འཛིན་སྐྱོང་དབང་འཛིན་ལས་ བཤད་དོ་བཟུམ་འབད་བ་ཅིན་ རྒྱལ་ཁབ་དེ་ནང་ ཆརཔ་ཤུགས་སྦེ་ རྐྱབ་ཡོདཔ་ལས་ ཆུ་རུད་ཐོན་ཏེ་ མི་གྲངས་ ༡༧ ལུ་ ཤི་རྐྱེན་དང་ ༡༡ ལུ་ རྨ་སྐྱོན་བྱུང་ནུག་ཟེར་ཨིན་པས།

དེ་བཟུམ་སྦེ་ སྒོ་ནོར་སེམས་ཅན་ཚུ་ལུ་ ཤི་རྐྱེན་བྱུང་ཡོདཔ་མ་ཚད་ གཞི་རྟེན་མཁོ་ཆས་ཚུ་དང་ བཟའ་ཚང་ ༡,༨༠༠ དེ་ཅིག་ལུ་ཡང་ གནོད་སྐྱོན་རྐྱབ་ཡོདཔ་ལས་ ཧེ་མ་ལས་ར་ གནས་སྟངས་སྐྱོ་དྲགས་ཡོད་པའི་གུ་ ཧེང་སྐལ་ར་ སྐྱོ་དྲགས་ཐལ་ཡོདཔ་སྦེ་བཀོད་ནུག།

གཞུང་གི་ཁ་ཐུག་ལས་ གནོད་སྐྱོན་བྱུང་མི་ ས་ཁོངས་ཚུ་ནང་ བརྟག་ཞིབ་སྡེ་ཚན་ཚུ་ བཏང་ཡོདཔ་བཞིན་དུ་ ཁོངཆ་ཁྱབ་ཀྱིས་ དགོས་མཁོ་ཚུ་ཡང་ བརྟག་དཔྱད་འབད་དོ་ཟེར་ཨིན་པས།

ཨཕ་གྷ་ནིཛ་ཏཱན་བཟུམ་སྦེ་ ཁྱིམ་མཚེས་རྒྱལ་ཁབ་ པ་ཀིཛ་ཏཱན་དང་ རྒྱ་གར་ལུ་ཡང་ གནམ་གཤིས་གནས་སྟངས་ ཚབས་ཆེན་ལུ་བརྟེན་ཏེ་ ཆུ་རུད་འཐོན་ནི་གི་ ཉེན་ཁ་སྦོམ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།