མི་དབང་རྒྱལ་བཙུན་མཆོག་གིས་ ཀ༔ཐོག་བདུད་འདུལ་བྱང་ཆུབ་མཆོད་རྟེན་གྱི་ རབ་གནས་རྟེན་འབྲེལ་ནང་ དབུ་བཞུགས་མཛད་གནང་ཡོདཔ།

པདྨ་དབང་འདུས།

སྤྱི་ཟླ་ ༥ པའི་ཚེས་ ༢༤ ལུ་ མི་དབང་རྒྱལ་བཙུན་མཆོག་གིས་ དབང་འདུས་ཕོ་བྲང་ སྦས་གླང་བྲག་གནས་ནང་ ཀཿཐོག་འོད་གསལ་བསམ་གཏན་གླིང་དགོན་པ་ལུ་ ཀ༔ཐོག་བདུད་འདུལ་བྱང་ཆུབ་མཆོད་རྟེན་གྱི་ རབ་གནས་རྟེན་འབྲེལ་ནང་ དབུ་བཞུགས་མཛད་གནང་ཡོདཔ་ཨིན་པས།

རབ་གནས་ཀྱི་ བྱིན་ལྡན་གསུང་ཆོག་དེ་ཡང་ སྐྱབས་རྗེ་རྗེ་མཁན་རིན་པོ་ཆེ་མཆོག་ དབུ་བཞུགས་ཐོག་ལུ་ ཀ༔ཐོག་དགེ་འདུན་འདུས་ཚོགས་ཀྱིས་ གནང་ཡོདཔ་ད་ དེ་བསྒང་ སྐུ་འཁོར་ལྷན་རྒྱས་དང་ ཀ༔ཐོག་སི་ཏུ་རིན་པོ་ཆེ་མཆོག་ དེ་ལས་ ཆོས་འབྲེལ་དང་ དད་ལྡན་ཕོ་མོ་ཚུ་གིས་ཡང་ གྲལ་གཏོགས་མཛད་ནུག།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ མཁྱེན་འདོད་ཡོད་མི་ཚུ་གིས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།