པེ་རུ་ལུ་ བལྟ་བཤལཔ་འབག་མི་ གནམ་གྲུ་ཅིག་ལུ་ ཐུག་རྐྱེན་བྱུང་སྟེ་ མི་གྲངས་ ༡༣ ལུ་ཤི་རྐྱེན།

བི་བི་སི།

པེ་རུ་ལུ་ བལྟ་བཤལཔ་འབག་མི་ གནམ་གྲུ་ཆུང་ཀུ་ཅིག་ལུ་ ཐུག་རྐྱེན་བྱུང་ཡོདཔ་ལས་ གནམ་གྲུའི་ནང་ འཕུར་འགྲུལ་འབད་མི་ མི་གྲངས་ ༡༣ པོ་ག་ར་ལུ་ ཤི་རྐྱེན་བྱུང་ནུག།

དེ་ཡང་ སྤྱི་ཟླ་ ༨ པའི་ཚེས་ ༡ ལུ་ སེནཛ་ན་ཀེ་ར་ཝཱན་ སི་-༢༠༨ འབད་མི་ གནས་གྲུ་དེ་ ནཱཛ་ཀ་ལ་ཡིནཛ་ མནའ་ཤུལ་ས་ཁོངས་ནང་ འཕུར་འགྲུལ་འབད་བའི་སྐབས་ལུ་ ཐུག་རྐྱེན་བྱུང་ཡོདཔ་ཨིན་པས།

དེ་བསྒང་ གནམ་གྲུ་དེ་ནང་ འགྲུལ་པ་ ༡༡ དང་ གནམ་གྲུའི་དེད་དཔོན་ ༢ སྡོད་ཡོདཔ་ད་ འགྲུལ་པ་ཚུ་ཡང་ ཇར་མ་ནི་ལས་ ༢ དང་ སི་པེན་ལས་ ༢ ཨི་ཊ་ལི་ལས་ ༧ ཨིན་པས་ཟེར་བཀོད་ནུག།

ད་ཚུན་གྱི་བར་ན་ གནམ་གྲུ་དེ་ གནད་དོན་ག་ཅི་ལུ་བརྟེན་ཏེ་ ཐུག་རྐྱེན་བྱུང་ཡོདཔ་ཨིན་ནའི་སྐོར་ལས་ གསལ་ཏོག་ཏོ་ཅིག་སྦེ་ མ་ཤེས་པར་ཡོདཔ་ཨིན་པས།

ནཱཛ་ཀ་ལ་ཡིནཛ་ མནའ་ཤུལ་ས་ཁོངས་དེ་ བལྟ་བཤལཔ་ཚུ་གི་དོན་ལུ་ མཐོང་སྣང་ཡོངས་གྲགས་ཅན་དང་ ཡུ་ནིཛ་ཀོའི་ འཛམ་གླིང་སྲོལ་རྒྱུན་ས་ཁོངས་ཅིག་ཨིན་པས་ཟེར་ བཀོད་འདུག་པའི་གནས་ཚུལ།