ར་ཤི་ཡ་ལུ་ བཟའ་ཁང་ཅིག་ནང་ རྫས་བམ་ཅིག་ འགས་ཡོདཔ་ལས་ མི་གྲངས་ ༣ ལུ་ཤི་རྐྱེན།

བི་བི་སི།

ར་ཤི་ཡའི་རྒྱལ་ས་ མོཛ་ཀོ་ལུ་ཡོད་མི་ ཨི་ཊ་ལིའི་ བཟའ་ཁང་ཅིག་ནང་ ནང་བཟོའི་རྫས་བམ་ཅིག་ འགས་པ་ལུ་བརྟེན་ཏེ་ མི་གྲངས་ ༣ ལུ་ ཤི་རྐྱེན་དང་ གཞན་མི་ ༢༡ ལུ་ རྨ་སྐྱོན་བྱུང་ནུག།

དེ་ཡང་ ཁྲོམ་སྡེ་ལྟེ་བའི་ ཉེ་འདབས་ལུ་ཡོད་མི་ ཀུ་ཌྲིནཛ་ཀ་ཡའི་ ས་ཁོངས་ནང་ སྤྱི་ཟླ་ ༨ པའི་ཚེས་ ༡ ལུ་ ས་གནས་ཀྱི་ ཕྱི་རུའི་ཆུ་ཚོད་ ༨ དེ་ཅིག་ཁར་ བྱུང་ཡོདཔ་ད་ དེ་བསྒང་ རྫས་བམ་འབག་མི་ ཨམ་སྲུག་ཅིག་གིས་ ཟ་ཁང་ནང་ འཛུལ་ནི་གི་ རྩིས་རྐྱབ་ཡོད་རུང་ ཉེན་སྲུང་དམག་མི་ཚུ་གིས་ བཀག་བཞག་ཡོདཔ་ཨིན་པས།

དེ་བསྒང་ བེལ་ཟི་རོ་སི་ཟེར་མི་ ཟ་ཁང་དེ་ནང་ སྒེར་གྱི་དགའ་སྟོན་ལས་རིམ་ཅིག་ འགོ་འདྲེན་འཐབ་སྟེ་ སྡོད་ཡོདཔ་ད་ ཤི་རྐྱེན་བྱུང་མི་ཚུ་ཡང་ རྫས་བམ་འབད་མི་ ཨམ་སྲུ་མོ་ར་དང་ ཉེན་སྲུང་དམག་མི་ ༡ ལྟ་སྐོར་པ་ ༡ ཨིན་པས་ཟེར་ བཀོད་འདུག་པའི་གནས་ཚུལ།