ཀོ་ལོམ་བི་ཡ་ལུ་ ས་ཡོམ་སྦོམ་ཅིག་ རྐྱབ་མིའི་ནང་ མི་གྲངས་ ༡༣༢ དེ་ཅིག་ལུ་ ཤི་རྐྱེན་དང་ ༤༨༠ ལྷགཔ་ཅིག་ལུ་རྨ་སྐྱོན།

བི་བི་སི།

སྤྱི་ཟླ་ ༨ པའི་ཚེས་ ༡༠ ལུ་ ཀོ་ལོམ་བི་ཡའི་ ནུབ་ཕྱོགས་མངའ་སྡེ་ ཅོ་ཀོ་ལུ་ ས་ཡོམ་ཤུགས་ཚད་ མེ་ནི་ཅཱུད་ ༧.༤ འབད་མི་ རྐྱབ་པ་ལུ་བརྟེན་ཏེ་ སྒྲིང་ཁྱིམ་ཚུ་ རམ་ཡར་སོངཔ་ལས་ ཉུང་ཤོས་ར་ མི་གྲངས་ ༡༣༢ དེ་ཅིག་ལུ་ ཤི་རྐྱེན་དང་ ༤༨༠ ལྷགཔ་ཅིག་ལུ་ རྨ་སྐྱོན་བྱུང་ནུག།

དེ་བཟུམ་མའི་ ས་ཡོམ་རྐྱབ་མི་དེ་ འདས་པའི་ལོ་ཚུ་གི་ནང་ལས་ ད་ཚུན་གྱི་བར་ན་ ས་ཡོམ་སྦོམ་ཤོས་ཅིག་ཨིནམ་ད་ ས་ཡོམ་དེ་ཡང་ ས་གནས་ཀྱི་ ཕྱི་རོའི་ཆུ་ཚོད་ ༧,༣༤ དེ་ཅིག་ཁར་ རྒྱབ་ཡོདཔ་སྦེ་ ས་ཁམས་རིག་པའི་ ཞབས་ཏོག་སྡེ་ཚན་གྱིས་ བཤད་ཡོདཔ་ཨིན་པས།

ས་ཡོམ་དེ་ནང་ ཤི་རྐྱེན་མང་ཤོས་ར་ ཀོ་ལོམ་བི་ཡའི་ ཀོ་ཕི་འཛུགས་སྐྱོང་གི་ ལུང་ཕྱོགས་ས་ཁོངས་ པེ་རི་ར་ཁྲོམ་ཚོགས་ནང་ བྱུང་ཡོདཔ་མ་ཚད་ མཐའ་འཁོར་ཁྲོམ་སྡེ་ཚུ་དང་ ཝ་ལི་ཌིལ་ ཀའུ་ཀ་ལུང་ཕྱོགས་ནང་ཡང་ གནོད་སྐྱོན་བྱུང་ཡོདཔ་སྦེ་བཀོད་ནུག།