ཟིམ་བབ་ཝིའི་ ཀ་རི་བཱ་མཚོ་ནང་ གྲུ་ཆུང་ཅིག་ ཐིམས་སོངཔ་ལས་ མི་གྲངས་ ༡༥ ལུ་ཤི་རྐྱེན།

བི་བི་སི།

སྤྱི་ཟླ་ ༨ པའི་ཚེས་ ༡༢ ལུ་ སྲོག་སྐྱབས་འབད་མི་ཚུ་གིས་ བཤད་དོ་བཟུམ་འབད་བ་ཅིན་ ཟིམ་བབ་ཝིའི་ ཀ་རི་བཱ་མཚོ་ནང་ གྲུ་ཆུང་ཅིག་ ཐིམས་སོངཔ་ལས་ མི་གྲངས་ ༡༥ ལུ་ ཤི་རྐྱེན་བྱུང་ནུག་ཟེར་ཨིན་པས།

དེ་ཡང་ ཤོག་འཛིན་བཙོང་མིའི་ ཐོ་བཀོད་དང་འཁྲིལཝ་ད་ གྲུ་ཆུང་དེ་ནང་ འགྲུལ་པ་ ༩༠ དང་ ལས་བྱེདཔ་ ༥ དེ་ཅིག་ཡོདཔ་ལས་ ལྗིད་ཚད་ལས་བརྒལ་བའི་སྟབས་ཀྱིས་ མགོ་མཇུག་ལོག་སྟེ་ ཡར་སོངཔ་སྦེ་ ཁྲིམས་སྲུང་འགག་སྡེ་གིས་ སྙན་ཞུ་འབད་ནུག།

དེ་མ་ཚད་ མཚོའི་རྦ་རླབས་ ཤུགས་ཅན་ཅིག་གིས་ཡང་ མགོ་མཇུག་ལོག་སྟེ་ བཏང་ཡོད་པའི་སྐོར་ལས་ བརྙན་ཐུང་ཅིག་ནང་ གསལ་སྟོན་འབད་ཡོདཔ་སྦེ་ ཁྲིམས་སྲུང་འགག་སྡེ་གིས་ བཤད་ཡོདཔ་ཨིན་པས།

ཟིམ་བབ་ཝིའི་ ས་མཚམས་ལུ་ཡོད་མི་ ཀ་རི་བཱ་མཚོ་དེ་ སྐྱེལ་འདྲེན་ལུ་ རྒྱབ་སྐྱོར་དང་ ཉ་བཟུང་ནི་ ཆུར་བརྟེན་གློག་མེ་ཚུ་གི་དོན་ལས་ འཛམ་གླིང་ནང་ མི་གིས་བཟོ་མི་ མཚོ་སྦོམ་ཤོས་ཅིག་ཨིན་པས་ཟེར་ བཀོད་འདུག་པའི་གནས་ཚུལ།