འབྲུག་དང་ མཐའ་ཡས་ལེན་གྱི་བར་ན་ གསོ་བའི་ཉེན་སྲུང་དང་ ཞབས་ཏོག་གི་དོན་ལུ་ ཁྱད་རིག་ཅན་གྱི་ སྨན་བཅོས་ལྕོགས་གྲུབ་གོང་འཕེལ་གྱི་ གོ་དོན་ཆིངས་ཡིག།

པདྨ་དབང་འདུས།

སྤྱི་ཟླ་ ༨ པའི་ཚེས་ ༡༡ ལུ་ ཐིམ་ཕུ་གསོ་བའི་ལྷན་ཁག་ནང་སྦེ་ འབྲུག་གཞུང་དང་ མཐའ་ཡས་ལེན་གྱི་བར་ན་ གསོ་བའི་ཉེན་སྲུང་དང་ ཞབས་ཏོག་གི་དོན་ལུ་ ཁྱད་རིག་ཅན་གྱི་ སྨན་བཅོས་ལྕོགས་གྲུབ་ གོང་འཕེལ་དང་འབྲེལ་ཏེ་ མཉམ་འབྲེལ་གྱི་ གོ་དོན་ཆིངས་ཡིག་གུ་ མཚན་རྟགས་བཀོད་ཡོདཔ་ད་ དེ་ཡང་ རྒྱལ་ཁབ་ ༢ ཀྱི་བར་ན་ ཡུན་རིང་གི་ གསོ་བའི་མཉམ་འབྲེལ་ནང་ གལ་གནད་ཆེ་བའི་ གནད་དོན་ཅིག་ཨིན་པས།

གོ་དོན་ཆིངས་ཡིག་གུ་ མཐའ་ཡས་ལེན་གྱི་ མི་མང་གསོ་བ་ལྷན་ཁག་འོག་གི་ སྨན་བཅོས་ཞབས་ཏོག་ལས་ཁུངས་དང་ འཇིགས་མེད་རྡོ་རྗེ་དབང་ཕྱུག་ རྒྱལ་ཡོངས་གཙོ་བསྟེན་སྨན་ཁང་གི་བར་ན་ མཚན་རྟགས་བཀོད་ཡོདཔ་ད་ མཚན་རྟགས་ཚུ་ཡང་ མཐའ་ཡས་ལེན་གྱི་ མི་མང་གསོ་བའི་བློན་པོ་ པ་ཏ་ན་པོ་རོམ་ཕཏ་དང་ འབྲུག་གི་གསོ་བའི་བློན་པོ་ རྟ་མགྲིན་དབང་ཕྱུག་གི་ སྐུ་མདུན་ལུ་སྦེ་བཀོད་ནུག།