ནེ་པཱལ་དང་ རྒྱ་ནག་གི་ བོད་ལུང་ཕྱོགས་ནང་ ཆུ་རུད་ཐོན་ཡོདཔ་ལས་ མི་ ༣༦༠ དེ་ཅིག་ལུ་ ཤི་རྐྱེན་དང་ ༡,༤༠༠ བྱང་སྟོར།

ཨཱལ་ཇ་ཟི་ར།

སྤྱི་ཟླ་ ༨ པའི་ཚེས་ ༢༦ ལུ་ ནེ་པཱལ་དང་ རྒྱ་ནག་གི་ བོད་ལུང་ཕྱོགས་ནང་ ཆུ་རུད་ཐོན་མི་ལུ་བརྟེན་ཏེ་ སྤྱི་ཟླ་ ༨ པའི་ཚེས་ ༢༧ ལུ་ ཕུངམོ་ ༣༦༠ དེ་ཅིག་ ཐོབ་ཡོདཔ་ད་ མི་གྲངས་ ༡,༤༠༠ ལྷགཔ་ཅིག་ བྱང་སྟོར་ཤོར་ནུག།

ནེ་པཱལ་གྱི་ དབང་འཛིན་ཚུ་གིས་ མི་གྲངས་ ༣༥༩ དེ་ཅིག་ལུ་ ཤི་རྐྱེན་བྱུང་ཡོདཔ་སྦེ་ བཤད་ཡོད་མི་དེ་ཡང་ ཉེན་སྐྱོབ་སྡེ་ཚན་ཚུ་གིས་ འདམ་རྫབ་ནང་ལས་ འཚོལ་ཞིབ་འབད་བའི་སྐབས་ལུ་ མི་རོ་ཚུ་ ཐོབ་ཡོདཔ་ད་ ཁྱིམ་མཚེས་བོད་ལྗོངས་ནང་ མི་ ༣ ལུ་ ཤི་རྐྱེན་བྱུང་ཡོདཔ་སྦེ་ བཤད་ཡོདཔཨིན་པས།

དེ་སྦེ་ རྐྱེན་ངན་བྱུང་པའི་ཤུལ་ལས་ རྒྱ་ནག་གི་བློན་ཆེན་ ལི་ཀི་ཡང་དེ་ བོད་ལུང་ཕྱོགས་ཀྱི་ འདམ་རྫབ་ས་ཁོངས་ནང་ གློ་བུར་གྱི་ ཉེན་སྐྱོབ་དང་ གྲོགས་རམ་ཚུ་གི་ ལམ་སྟོན་འབད་ནིའི་དོན་ལུ་ ལྷོད་ཡོདཔ་ཨིན་པས།

ནེ་པཱལ་གྱི་ ཁྲིམས་སྲུང་འགག་སྡེ་དང་ བལྟ་བཤལ་འགོ་དཔོན་ཚུ་གིས་ ནེ་པཱལ་ལུ་ མི་གྲངས་ ༩༡༠ དེ་ཅིག་ བྱང་སྟོར་ཤོར་མིའི་གྲས་ལས་ མི་གྲངས་ ༥༠༠ ལྷགཔ་ཅིག་ ཕྱི་མི་ཚུ་ཨིནམ་སྦེ་ གསལ་བཤད་འབད་ནུག།