མི་དབང་མངའ་བདག་རིན་པོ་ཆེ་མཆོག་གིས་ བང་ལ་དེཤ་གི་ སྲིད་འཛིན་དང་མཇལ་ཕྲད།

པདྨ་དབང་འདུས།

སྤྱི་ཟླ་ ༨ པའི་ཚེས་ ༢༦ གི་དྲོ་པ་ མི་དབང་མངའ་བདག་རིན་པོ་ཆེ་མཆོག་གིས་ བང་ལ་དེཤ་གི་རྒྱལ་ས་ དྷ་ཀ་ལུ་སྦེ་ བང་ལ་དེཤ་གི་སྲིད་འཛིན་ མི་རྗེ་མིར་ཛ་ཕག་རུལ་ཨིཛ་ལཱམ་ ཨ་ལམ་གིར་དང་གཅིག་ཁར་ མཇལ་ཕྲད་མཛད་གནང་ནུག།

དེ་ཡང་ མི་དབང་མངའ་ཞབས་མཆོག་ ཕྱིའི་རྒྱལ་ཁབ་ཚུ་ནང་ གཟིགས་སྐོར་ལས་ ལོག་བྱོན་པའི་ལམ་ཁར་ ཧཱཛ་རཱཏ་ཤཱ་ཇ་ལཱལ་ རྒྱལ་སྤྱི་གནམ་གྲུ་ཐང་ནང་ ཡུདཔ་ཐེངས་ཅིག་ བཞུགས་པའི་རིང་ལུ་ སྲིད་འཛིན་མཆོག་གིས་ མི་དབང་ཞབས་ཀྱི་ སྐུ་མདུན་ལུ་ བཅར་ཡོདཔ་ཨིན་པས།

དེ་བསྒང་ མི་དབང་མཆོག་གིས་ སྤྱི་ལོ་ ༢༠༢༦ སྤྱི་ཟླ་ ༨ པའི་ཚེས་ ༢༡ ལས་ སྲིད་འཛིན་གྱི་ གོ་གནས་བཞེས་མི་ བང་ལ་དེཤ་གི་ སྲིད་འཛིན་མཆོག་ལུ་ འབྲུག་གི་མི་སེར་ཚུ་ལས་ བཀྲིས་ལེགས་སྨོན་ཡོད་ལུགས་ཚུ་ གསུངས་གནང་ནུག།