ཕྱི་འབྲེལ་ལྷན་ཁག་གིས་ སྤྱིར་བཏང་ལམ་ཡིག་ཚུ་ ལོག་སྤྲོད་ནི་ འགོ་བཙུགས་ཡོདཔ།

རྡོ་རྗེ་དབང་ཕྱུག།
སྤྱི་ཟླ་ ༡༡ པའི་ཚེས་ ༣ ལས་ སྤྱིར་བཏང་ལམ་ཡིག་ཚུ་ ལོག་སྤྲོད་ནི་ འགོ་བཙུགས་ཡོདཔ་བཞིན་དུ་ གོ་སྐབས་དང་པ་དེ་ སྤྱི་ཟླ་ ༨ པའི་ཚེས་ ༢༠ ལས་ ཟླ་ངོ་ ༢ ལྷགཔ་ཅིག་གི་ནང་ ཡོངས་འབྲེལ་ཐོག་ལས་དང་ ངོ་བཅར་ཐོག་ལས་ ཞུ་ཡིག་བཙུགས་མི་ཚུ་ལུ་ བྱིན་ནི་ཨིན་པས།
དེ་ཡང་ སྤྱི་ཟླ་ ༡༡ པའི་ཚེས་ ༢ ལུ་ ཕྱི་འབྲེལ་ལྷན་ཁག་གི,་ གསལ་བསྒྲགས་ཅིག་ནང་ བཀོད་དོ་བཟུམ་འབད་བ་ཅིན་ ད་ཚུན་གྱི་བར་ན་ ཞུ་ཡིག་བཙུགས་ཚུ་གི་ ཚེས་གྲངས་དང་འཁྲིལ་ཏེ་ གོ་སྐབས་བྱིན་ནི་ཨིནམ་བཞིན་དུ་ ཉིན་རེར་མི་གྲངས་ ༢༠༠ རེ་ལུ་ ལམ་ཡིག་ཚུ་ བྱིན་ནི་དང་གཅིག་ཁར་ མི་ངོ་མ་སྦེ་ ཡིག་ཚང་ནང་བཅར་མི་ མི་གྲངས་ ༥༠ རེ་ལུ་ཡང་ བྱིན་ནི་ཨིན་པས།
ད་ཚུན་གྱི་རིང་ལུ་ ལམ་ཡིག་གི་དོན་ལས་ ཞུ་ཡིག་བཙུགས་མི་ཚུ་ བདེན་དཔྱད་འབད་ཚར་ཡོདཔ་ལས་ གལ་གནད་ཅན་སྦེ་ འགྲུལ་བསྐྱོད་འབད་དགོཔ་ འཐོན་མི་ཚུ་ལུ་ གོ་སྐབས་བྱིན་ནི་ཨིནམ་ལས་ ཞབས་ཏོག་ལེན་པར་ འོང་གནང་ཟེར་ གསལ་བསྒྲགས་ནང་བཀོད་ནུག།
སྤྱི་ཟླ་ ༡༢ པའི་ཚེས་ ༡ ལས་ གནས་སྐབས་ཀྱི་ ལམ་ཡིག་ཚབ་ལུ་ ལམ་ཡིག་ངོ་མ་ འཐོབ་ཚུགས་ནི་ཨིནམ་ད་ ལམ་ཡིག་དེ་གི་དོན་ལུ་ ཏི་རུ་སྤྲོད་མ་དགོ་པའི་ཁར་ ཞུ་ཡིག་ཡང་ བཙུགས་མི་དགོ་ནི་ཨིན་པའི་གནས་ཚུལ།

Please follow and like us: