ཡུ་ཨེཛ་ལུ་ གནམ་དགུན་གྱི་ རླུང་འཚུབས་ཀྱིས་ མི་གྲངས་ས་ཡ་ ༢༠༠ ལུ་གནོད་སྐྱོན།

བི་བི་སི།
ད་རེས་ནངས་པར་ ཡུ་ཨེཛ་ལུ་ ངལ་གསོའི་བདུན་ཕྲག་ནང་ ག་ནི་བ་ ཁོད་སི་སི་འབད་མི་ གནམ་དགུན་གྱི་ རླུང་འཚུབས་ལུ་བརྟེན་ཏེ་ མི་གྲངས་ས་ཡ་ ༢༠༠ དེ་ཅིག་ལུ་ གནོད་པ་བྱུང་ཡོདཔ་མ་ཚད་ མི་ངོམ་ ༡༢ ལུ་ཡང་ ཤི་རྐྱེན་བྱུང་ནུག།
དེ་འབདཝ་ལས་ གནམ་གྲུ་ཚུ་ཡང་ འཕུར་འགྲུལ་འབད་ནི་ལས་ བཀག་དམ་འབད་དགོཔ་ ཐོན་ཡོདཔ་ད་ མི་གྲངས་ས་ཡ་ ༡༥ ལྷགཔ་ཅིག་ གློག་མེ་ཚུ་མེད་པར་ སྡོད་དགོ་པའི་ དཀའ་ངལ་ཡང་ ཐོན་ཏེ་ཡོདཔ་ཨིན་པས།
དེ་བཟུམ་སྦེ་ ཀེ་ན་ཌ་ལུ་ཡང་ ཨོན་ཊེ་རི་ཡོ་དང་ ཀེ་བེག་ཚུ་ནང་ མི་གྲངས་བརྒྱ་སྟོང་ཕྲག་ལས་བཅད་དེ་ གློག་མེ་མེད་པར་ ལུས་ཡོདཔ་མ་ཚད་ རྒྱལ་ཁབ་ཀྱི་ ས་གནས་གཞན་ཁར་ཡང་ གནམ་དགུན་གྱི་ རླུང་འཚུབས་ཀྱིས་ སྔ་གོང་ཉེན་བརྡ་བཟུམ་སྦེ་ ག་ནི་བ་ ཁོད་སི་སི་ ཐལ་ནུག་ཟེར་ བཀོད་འདུག་པའི་གནས་ཚུལ།

Please follow and like us: