མི་དབང་མངའ་ཞབས་མཆོག་གིས་ ཀུ་ཝེཊ་ལུ་ཡོད་མི་ འབྲུག་མི་ཚུ་དང་མཇལ་ཕྲད།

སྤྱི་ཟླ་ ༡ པའི་ཚེས་ ༡༧ གྱི་ཕྱི་རོ་ མི་དབང་མངའ་བདག་རིན་པོ་ཆེ་མཆོག་གིས་ ཀུ་ཝེཊ་ལུ་ སྡོད་མི་དང་ ལཱ་འབད་མི་ འབྲུག་མི་ཚུ་དང་ མཇལ་ཕྲད་མཛད་གནང་ནུག།

ད་རེས་ནངས་པར་ ཀུ་ཝེཊ་ལུ་ སྡོད་མི་དང་ ལཱ་འབད་མི་ འབྲུགཔ་ ༣,༥༠༠ ལྷགཔ་ཅིག་རྩིས་ཏེ་ གཱལཕ་ལུང་ཕྱོགས་ཀྱི་ རྒྱལ་ཁབ་ཚུ་ནང་ འབྲུག་མི་ ༥,༣༠༠ དེ་ཅིག་ཡོདཔ་ཨིན་པས།

མི་དབང་མཆོག་གིས་ སྤྱི་ཟླ་ ༡ པའི་ཚེས་ ༡༧ ལུ་ ཀུ་ཝེཊ་གི་ བློན་ཆེན་དང་ ཕྱི་འབྲེལ་བློན་པོ་དང་ མཇལ་ཕྲད་མཛད་གནང་ཡོདཔ་མ་ཚད་ མི་དབང་སྐུ་འཁོར་དང་ གཞུང་གི་ཆེ་མཐོའི་འགོ་དཔོན་ དེ་ལས་ འབྲུག་རྒྱལ་ཁབ་ཀྱི་ ཆ་རོགས་རྙིང་ཤོས་ཅིག་ཨིན་མི་ ཀུ་ཝེཊ་གི་ བློན་ཆེན་བགྲེསཔ་དང་ཡང་ མཇལ་ཕྲད་མཛད་གནང་འདུག་པའི་གནས་ཚུལ།