ཡུ་ཨེཛ་གིས་ ཡུ་ཀེ་རེན་ལུ་ འཕྲལ་ཁམས་ཀྱི་ གྲོགས་རམ་གྱི་གྲས་ཁར་ རྒྱང་རིང་མི་ཛ་ཡེལ་བྱིན་ནི།

བི་བི་སི།
ཡུ་ཨེཛ་གིས་ ཡུ་ཀེ་རེན་ལུ་ དྲག་པོའི་གྲོགས་རམ་ཁ་སྐོང་ ཡུ་ཨེཛ་ཌོ་ལར་ ཐེར་འབུམ་ ༢.༢ དེ་ཅིག་ བྱིན་ནི་ཨིན་མིའི་ནང་ ས་ཐག་རིང་སར་ ལོག་བལྟབ་ཀྱིས་ ལྷོད་ཚུགས་མི་ རྒྱང་རིང་མི་ཛ་ཡེལ་ཚུ་ཡང་ ཚུདཔ་ཨིན་པས།
སྤྱི་ལོ་ ༢༠༢༢ སྤྱི་ཟླ་ ༢ པ་ལས་ཚུར་ ད་ཚུན་གྱི་བར་ན་ ད་རེས་ བྱིན་ནི་སྦེ་ཡོད་མི་ གྲོགས་རམ་བརྩིས་ཏེ་ ཡུ་ཀེ་རེན་ལུ་ དྲག་པོའི་གྲོགས་རམ་ ཌོ་ལར་ཐེར་འབུམ་ ༢༩.༣ ལྷགཔ་ཅིག་ཨིནམ་ད་ ད་རེས་ བྱིན་ནི་སྦེ་ཡོད་མི་ གྲོགས་རམ་ནང་ ཀི་ལོ་མི་ཊར་ ༡༥༠ ཚུན་ལུ་ ལྷོད་ཚུགས་པའི་ ནུས་ཤུགས་ཡོད་མི་ ས་ཁ་ལས་བཏང་ནི་གི་ རྫས་བམ་ཚུ་ཡང་ཡོདཔ་ཨིན་པས།
མཚོན་ཆ་དེ་ཚུ་ བཙན་དབང་འབད་དེ་ཡོད་མི་ ཀིར་མི་ཡའི་ ས་གནས་ཚུ་ནང་ གནོད་འཚུབས་ཀྱི་དོན་ལས་ ལག་ལེན་འཐབ་ནི་ཨིན་པའི་ དོགས་པ་ཡོད་མི་ལུ་ འགོ་དཔོན་ཚུ་གིས་ ངོས་ལེན་འབད་མ་བཏུབ་ཨིན་པས།
མ་གཞི་ ཡུ་ཀེ་རེན་གྱི་ ལག་ལེན་འཆར་གཞིའི་ཐེད་ཁར་ ཁོང་ར་གིས་ ཐག་བཅད་ནི་ཨིན་རུང་ རྒྱང་རིང་མཚོན་ཆ་ བྱིན་མི་དེ་གིས་ ཡུ་ཀེ་རེན་ལུ་ ཁོང་གི་རང་དབང་ས་ཆ་ ར་ཤི་ཡ་གིས་ བཙན་བཟུང་འབད་དེ་ཡོད་མི་ཚུ་ ལོག་ལེན་ཐབས་ལུ་དང་ རྒྱལ་ཁབ་ཉེན་སྲུང་ལུ་ ལྕོགས་གྲུབ་ཡོདཔ་ བཟོཐབས་ལུ་ཨིན་ཟེར་བཤད་ནུག།
ཀིར་མི་ཡ་ མཚོ་གླིང་དེ་ ར་ཤི་ཡ་གིས་ སྤྱི་ལོ་ ༢༠༡༤ ལུ་ ཁོང་གི་རྒྱལ་ཁབ་ཀྱི་གྲས་ཁར་ བཙན་འཕྲོག་འབད་དེ་ བཙུགས་ཡོདཔ་ད་ འཕྲལ་ཁམས་ཀྱི་ ཟླཝ་ཚུ་ནང་ ཡུ་ཀེ་རེན་གྱི་ དམག་མི་ཚུ་གིས་ མཚོ་གླིང་དེ་ཁར་ འཕྲལ་འཕྲལ་ར་ ཀྲོབ་མདའ་ཚུ་ རྐྱབ་དོ་ཡོདཔ་ཨིན་པས།
ནུབ་ཕྱོགས་རྒྱལ་ཁབ་ཚུ་གིས་ ར་ཤི་ཡ་ལུ་ གནོད་འཚུབས་བཀལ་ནི་གི་ ཉེན་ཁ་ཡོདཔ་ལས་ ཡུ་ཀེ་རེན་ལུ་ ཕྱད་མདའི་གནམ་གྲུ་ཚུ་ བྱིན་ཐབས་མེདཔ་སྦེ་ཡོདཔ་ད་ ད་རེས་ དེ་བཟུམ་མའི་ གྲོགས་རམ་བྱིན་མི་ལུ་ ཡུ་ཀེ་རེན་གྱི་སྲིད་འཛིན་ ཟེ་ལེནཛ་ཀི་གིས་ ཡུ་ཨེཛ་གི་སྲིད་འཛིན་ ཇཱོ་བ་ཡེ་ཌེན་ལུ་ བཀྲིན་དགའ་ཚོར་ཡོད་ལུགས་ཚུ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: