རྒྱ་ནག་གིས་ ཏ་ཡེ་ཝཱན་དང་གཅིག་ཁར་ མ་མཐུན་པའི་ ཚ་གྱང་མང་སུ་སྦེ་ བཙུགས་ཡོད་རུང་ རྒྱལ་ཁབ་དེ་ ཞི་བའི་ཐོག་ལུ་ར་ གནས་ཏེ་ཡོདཔ།

རོའི་ཊརཛ།
སྤྱི་ཟླ་ ༣ པའི་ཚེས་ ༣༠ ལུ་ ཏ་ཡེ་ཝཱན་གྱི་སྲིད་འཛིན་ ཙ་ཡེ་ཨིང་ཝེན་གྱིས་ ནིའུ་ཡོག་ལུ་ གསུངས་དོ་བཟུམ་འབད་བ་ཅིན་ རྒྱ་ནག་གིས་ དོན་ཆེད་སྦེ་ར་ ཏ་ཡེ་ཝཱན་དང་གཅིག་ཁར་ མ་མཐུན་པའི་ ཚ་གྱང་བཙུགས་ཏེ་འབད་རུང་ ད་ཚུན་གྱི་བར་ན་ དུས་རྒྱུན་དང་མ་འདྲ་བའི་ དྲག་པོའི་ལག་ལེན་ཚུ་ ག་ནི་ཡང་ མ་འཐབ་ཟེར་ཨིན་པས།
སྲིད་འཛིན་ཙ་ཡེ་དེ་ སྤྱི་ཟླ་ ༣ པའི་ཚེས་ ༢༩ ལུ་ གཟིགས་སྐོར་གྱི་དོན་ལས་ ནིའུ་ཡོག་ལུ་ ཕེབས་ཡོདཔ་ད་ ལོཛ་ཨེན་ཇེ་ལེཛ་ལུ་སྦེ་ ཡུ་ཨེཛ་གི་ཚོགས་དཔོན་ ཀེ་ཝིན་མེག་ཀར་ཐེ་དང་གཅིག་ཁར་ མཇལ་ཕྲད་མཛད་དེ་ བདུན་ཕྲག་ཤུལ་མའི་ནང་ ཏ་ཡེ་པི་ལུ་ ལོག་འབྱོན་ནི་ཨིན་པས།
གནད་དོན་དེ་ལུ་ རྒྱ་ནག་གིས་ དེ་བཟུམ་མའི་ འབྲེལ་བ་ལུ་བརྟེན་ཏེ་ ཡུ་ཨེཛ་དང་ རྒྱ་ནག་གི་བར་ན་ གདོང་ལན་ཅན་གྱི་ ཉེན་ཁ་སྦོམ་སྦེ་ར་ འཐོན་སྲིད་ནི་གི་ ལཱ་ཅིག་ཨིན་ཟེར་བཤད་ནུག།
བརྟག་དཔྱད་མཁས་མཆོག་ ལ་ལོ་ཅིག་གིས་འབད་བ་ཅིན་ ད་རེས་ ཏ་ཡེ་ཝཱན་གྱི་ སྲིད་འཛིན་གྱིས་ ཡུ་ཨེཛ་ལུ་ གཟིགས་སྐོར་གནང་མི་དེ་ སྤྱི་ལོ་ ༡༩༧༩ ལས་ཚུར་ ཝ་ཤིང་ཊཱོན་དང་ བེ་ཇིང་གི་བར་ན་ འབྲེལ་བ་ཚུ་ སྔར་ག་ཨིནམ་སྦེ་བཟོ་བའི་ དུས་ལས་ཚུར་ ད་རེས་ མཐུན་ལམ་གྱི་ གནས་སྟངས་དེ་ དམའ་མཐའ་ལུ་ ཉམས་ཏེ་ཡོད་པའི་ དུས་སྐབས་དང་ ཁ་ཐུག་རྐྱབ་ཡོདཔ་སྦེ་ཨིན་པས།
རྒྱ་ནག་གིས་ ཏ་ཡེ་ཝཱན་དེ་ རྒྱ་ནག་གི་ མངའ་ཁོངས་ལུ་ཨིནམ་ལས་ རྒྱལ་ཁབ་དང་ རྒྱལ་ཁབ་ཀྱི་ གནས་ཚད་ཁར་ མཐུན་ལམ་བཟོ་ནི་ལུ་ ཐོབ་དབང་མེདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: