ཡུ་ཨེཛ་གི་ སྲིད་འཛིན་བགྲེསཔ་ ཌོ་ནཱལ་ཊཱམ་ལུ་ སྦ་གསང་ཐོག་གི་ ཏི་རུ་དང་འབྲེལ་བའི་ ཉེས་འཛུགས་འབད་ནི།

བི་བི་སི།
ཡུ་ཨེཛ་གི་ སྲིད་འཛིན་བགྲེསཔ་ལུ་ སྤྱི་ལོ་ ༢༠༡༦ ལོར་ སྲིད་འཛིན་བཙག་འཐུའི་སྐབས་ལུ་ འདོད་བརྙན་བཟོ་མི་ཅིག་ལུ་ སྦ་གསང་ཐོག་ལས་ ཏི་རུ་བྱིན་ཡོད་པའི་ ཉེས་འཛུགས་འབད་ནི་ཨིན་པས།
རྩོད་དོན་དེ་གི་ ཁ་གསལ་ཚུ་ ད་ལྟོ་ གསང་བརྟོལ་མ་འབད་བར་ཡོད་རུང་ དྲང་དཔོན་ལྷན་ཚོགས་ཅིག་གིས་ སྲིད་འཛིན་བགྲེས་པ་དང་ འདོད་བརྙན་བཟོ་མི་ སི་ཊོར་མི་ ཌེ་ནི་ཡེལཛ་གི་བར་ན་ དགའ་མཐུན་གྱི་ འབྲེལ་བ་ཡོད་མི་དེ་ གསང་བ་སྦེ་ བཞག་ཐབས་ལུ་ མོ་ལུ་ སྲིད་འཛིན་བགྲེསཔ་གིས་ ཌོ་ལར་ ༡༣༠,༠༠༠ བྱིན་ཡོད་པའི་སྐོར་ལས་ དབྱེ་དཔྱད་འབད་བའི་ཤུལ་ལས་ སྲིད་འཛིན་བགྲེསཔ་ལུ་ ཉེས་འཛུགས་བཀལ་དགོཔ་སྦེ་ ཚོགས་རྒྱན་བཙུགས་ནུག།
སྐྱེས་ལོ་ ༧༦ འབད་མི་ སྲིད་འཛིན་བགྲེསཔ་ཊཱམ་གྱིས་ བཤད་དོ་བཟུམ་འབད་བ་ཅིན་ གནད་དོན་དེ་ བདེན་ཁུངས་མེདཔ་སྦེ་ བཤད་དོ་ཡོདཔ་ད་ ཡུ་ཨེཛ་ལུ་ སྲིད་འཛིན་བགྲེསཔ་ཚུ་གི་གྲས་ལས་ དེ་བཟུམ་མའི་ ཉེས་འགེལ་གྱི་ ཉེས་འཛུགས་བཀལ་ནི་དེ་ འགོ་དང་པ་ཨིན་པས།
སྲིད་འཛིན་བགྲེསཔ་དེ་ སྤྱི་ཟླ་ ༤ པའི་ཚེས་ ༣ ལུ་ ཁོ་རའི་སྡོད་ས་ ཕཱོལ་རི་ཌ་ལས་ ནིའུ་ཡོག་གི་ ཁྲིམས་འདུན་ལུ་ ངོ་བཅར་འབད་ནི་ཨིནམ་ད་ དེ་བསྒང་ ཉེས་འཛུགས་ཀྱི་ གནད་དོན་ཚུ་ སྐར་ཆ་ ༡༠ དང་ ༡༥ གི་བར་ན་ སྙན་གསན་གྱི་དོན་ལུ་ ལྷག་ནི་ཨིན་པས།
དེ་སྦེ་ ཁྲིམས་ཀྱི་འདུན་སར་ བཅར་བའི་སྐབས་ལུ་ སྲིད་འཛིན་བགྲེས་པའི་ ཉེན་སྲུང་གི་ལཱ་ཚུ་ ཡུ་ཨེཛ་གི་ ལམ་ལུགས་ལྟར་དུ་ ཡུ་ཨེཛ་གསང་ཞིབ་ཞབས་ཏོག་གིས་ འགོ་འདྲེན་འཐབ་ནི་ཨིན་པའི་གནས་ཚུལ།

Please follow and like us: