རྒྱལ་ཁབ་ནང་ ཟླ་ངོ་ ༡༣ གྱི་རིང་ལུ་ ལང་ནི་གི་ ཕྱི་དངུལ་གསོག་འཇོག།

ནོར་བུ་བཟང་མོ།
རྒྱལ་ཁབ་ནང་ ཕྱི་དངུལ་གསོག་འཇོག་དེ་ ཟླཝ་ ༡༣ གྱི་རིང་ལུ་ གལ་ཆེ་བའི་ སྐྱ་རྣམ་གྱི་རིགས་ ནང་འདྲེན་འབད་ནི་ལུ་ ལང་ཚུགསཔ་སྦེ་ཡོདཔ་ཨིན་མས།
དེ་ཡང་ སྤྱི་ཟླ་ ༤ པའི་ཚེས་ ༡༣ ལུ་ བརྡ་བརྒྱུདཔ་ཚུ་དང་ གནས་ཚུལ་ཞལ་འཛོམས་ཅིག་ འཚོགས་པའི་སྐབས་ལུ་ ནུས་ཤུགས་དང་ རང་བཞིན་འཐོན་སྐྱེད་བློན་པོ་ ལོག་ནཐཱ་ཤར་མ་གིས་ གསལ་བཤད་གནང་ཡི།
དེ་ལས་ གཞུང་གིས་ སྣུམ་འཁོར་ཚུ་ ནང་འདྲེན་འབད་མ་ཆོགཔ་སྦེ་ བཟོ་མི་དེ་གིས་ ཟླཝ་ ༦ གི་ནང་ དངུལ་ཀྲམ་ཐེར་འབུམ་ས་ཡ་ ༢ གནས་པའི་ ཕྱི་དངུལ་གསོག་འཇོག་འབད་ནི་ལུ་ ཕན་ཐོགས་བྱུང་ཡི་ཟེར་ཨིན་པས།
དེ་མ་ཚད་ རྩ་ཁྲིམས་ཆེད་མོའི་ནང་ཡང་ ཕྱི་དངུལ་གསོག་འཇོག་དེ་ ལོ་ངོ་ ༡ གི་རིང་ལུ་ གལ་ཆེ་བའི་ སྐྱ་རྣམ་གྱི་རིགས་ ནང་འདྲེན་འབད་ནིའི་དོན་ལས་ ལང་ཚུགསཔ་སྦེ་ བཞག་དགོཔ་སྦེ་ཡོདཔ་ད་ ད་རེས་ ཨུ་ཨེཛ་ཌོ་ལར་ ས་ཡ་ ༦༠༣ ཡོདཔ་ཨིན་པའི་གནས་ཚུལ།

Please follow and like us: