གནམ་གྲུ་འཕུར་འགྲུལ་འབད་ནི་ལས་ དུས་ཡུན་ཆུ་ཚོད་ ༣༥ དེ་ཅིག་ ཕྱིས་སོང་པ་ལུ་བརྟེན་ཏེ་ མཁའ་འགྲུལཔ་ཚུ་ དབུགས་འགམས་ཡོདཔ།

བི་བི་སི།
ག་ལཱཛ་གོ་ གནམ་གྲུའི་ཐང་ནང་ ཨ་ཡིཛ་ལེན་ལུ་ འཕུར་འགྲུལ་འབད་མི་ གནམ་གྲུ་དེ་ ཕྱིས་སོང་པ་ལུ་བརྟེན་ཏེ་ མཁའ་འགྲུལཔ་ཚུ་ དུས་ཡུན་ཆུ་ཚོད་ ༣༥ ལྷགཔ་ཅིག་གི་རིང་ལུ་ སྒུག་སྡོད་དགོཔ་ཐོནམ་ལས་ དབུགས་འགམས་པའི་ གཞི་ཅིག་ལུ་ གྱུར་སོང་ནུག།
དེ་ཡང་ མཁའ་འགྲུལཔ་ ༡༧༠ དེ་ཅིག་ འབག་ཐོག་ལས་ རེག་ཇ་བིག་ལུ་ འཕུར་འགྲུལ་འབད་མི་ གནམ་གྲུ་དེ་ སི་ཀོཊ་ལེན་ལུ་ལྷོདཔ་ད་ འཕྲུལ་ཆ་ལུ་ དཀའ་ངལ་ཅིག་ བྱུང་ཡོདཔ་ལས་ ག་ཅི་འབད་ནི་ཨིན་ན་ཡང་ མ་ཤེས་པར་ ལུས་སོངཔ་ཨིན་པས།
གནམ་གྲུ་དེ་ སྤྱི་ཟླ་ ༥ པའི་ཚེས་ ༡༨ ཀྱི་ ཕྱི་རུའི་ཆུ་ཚོད་ ༢ ལུ་ འཕུར་འགྲུལ་འབད་དགོཔ་ཨིན་རུང་ འཕྲུལ་ཆས་ཀྱི་ དཀའ་ངལ་ལུ་བརྟེན་ཏེ་ དུས་ཚོད་ཁར་ འཕུར་མ་ཚུགས་པར་ ལུས་པའི་ཤུལ་ལས་ སྤྱི་ཟླ་ ༥ པའི་ཚེས་ ༢༠ ལུ་ ཉིན་མའི་ཆུ་ཚོད་ ༡ དང་ སྐར་མ་ ༥ ལུ་ འཕུར་འགྲུལ་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: