རྒྱ་གར་དཱན་ཏག་ལས་འགུལ་གྱིས་ ཕུན་ཚོགས་གླིང་དང་ ཐིམ་ཕུའི་བར་ན་ ས་རུད་ཆད་མི་ འཁོར་ལམ་ཁག་ ༡༩ བསལ་ཡོདཔ།

ད་རེས་ནངས་པར་ ཆརཔ་རྐྱབ་པ་ལུ་བརྟེན་ཏེ་ ས་རུད་ཆད་དེ་ར་ཡོད་རུ་ རྒྱ་གར་གྱི་ ལམ་སེལ་ལས་འགུལ་ དཱན་ཏག་གིས་ ཕུན་ཚོགས་གླིང་དང་ ཐིམ་ཕུའི་བར་ན་ འཁོར་ལམ་བདའ་སྟེ་ ས་རུད་ཁག་ ༡༩ དེ་ཅིག་ ཆད་མི་ཚུ་ བསལ་ཐོག་ལས་ ལམ་འགྲུལཔ་ཚུ་ ཐོགས་ཆགས་མེད་པར་ འགྲུལ་བསྐྱོད་འབད་ཚུགསཔ་ཨིན་པས།
དེ་ཡང་ དཱན་ཏག་ལས་འགུལ་གྱིས་ ལྷོ་བྱང་གཉིས་ཆ་ར་ལས་ གཞུང་ལམ་སེལ་ནི་གི་ལཱ་ཚུ་ འགོ་འདྲེན་འཐབ་དོ་ཡོདཔ་ད་ ས་རུད་དེ་ཡང་ ཀི་ལོ་མི་ཊར་ ༡༡༠ དེ་ཅིག་གི་བར་ན་ ཆད་ཡོད་མིའི་གྲས་ལས་ ས་རུད་སྦོམ་ཤོས་དེ་ རིང་ཚད་མི་ཊར་ ༨༠ དེ་ཅིག་ཨིན་པས།
དེ་སྦེ་ གཞུང་ལམ་སེལ་ནི་གི་ ལཱ་ཚུ་འབད་བའི་སྐབས་ལུ་ ས་གནས་ཀྱི་ རྒྱལ་གཞུང་འབྲུག་གི་འགག་སྡེ་གིས་ གལ་ཆེ་བའི་ ལཱ་འགན་འབག་སྟེ་ འགྲུལ་འཁོར་ཚུ་ འཛིན་སྐྱོང་འཐབ་ནུག།
དཱན་ཏག་གིས་ འགྲུལ་པ་ཚུ་གི་ ཉེན་སྲུང་གི་དོན་ལས་ དྲན་པ་འཐེབ་སྟེན་ཏེ་ འཕྲོ་མཐུད་དེ་ར་ ཨེ་ཤི་ཡའི་ གཞུང་ལམ་ཚུ་བདའ་སྟེ་ ས་རུད་ཆད་མི་ཚུ་ སེལ་དོ་ཡོདཔ་ད་ ཕུན་ཚོགས་གླིང་དང་ ཐིམ་ཕུའི་བར་ན་འབད་བ་ཅིན་ འགྲུལ་བསྐྱོད་འབད་མི་ཚུ་གིས་ དམ་ཆུ་ལས་ ཆུ་ཁ་ཚུན་གྱི་ ཕྲང་ལམ་བརྒྱུད་དེ་མིན་པར་ རྩི་མ་ཀོ་ཁྲིའི་ འཁོར་ལམ་དང་ སོར་ཅན་གྱི་ ཟུར་ལམ་ཚུ་བརྒྱུད་དེ འགྲུལ་བསྐྱོད་འབདཝ་ཨིན་པའི་གནས་ཚུལ།

Please follow and like us: