རྒྱ་གར་མ་ཧ་རཤ་ཏ་ར་ མངའ་སྡེའི་ནང་ ས་རུད་ཐོན་སར་ མི་གྲངས་ ༨༦ འཚོལ་ཞིབ་ཀྱི་ལཱ་ཚུ་ ལོག་སྟེ་ར་ འགོ་བཙུགས་ཡོདཔ།

ཨེན་ཌི་ཊི་ཝི།
རྒྱ་གར་གྱི་མངའ་སྡེ་ མ་ཧ་རཤ་ཏ་རའི་ རྫོང་ཁག་རའི་གཱཌ་གི་ས་གནས་ ཨིར་ཤཱལ་ཝ་དི་ལུ་ ཆུ་རུད་སྦོམ་ཅིག་ ཐོན་མིའི་ནང་ སྡོད་ཁྱིམ་དག་པ་ཅིག་ར་ ས་འོག་ལུ་ཨེབ་སྟེ་ མི་གྲངས་ ༢༢ དེ་ཅིག་ལུ་ ཤི་རྐྱེན་བྱུང་ཡོདཔ་ལས་ སྤྱི་ཟླ་ ༧ པའི་ཚེས་ ༢༡ ལུ་ འཚོལ་ཞིབ་ཀྱི་ལཱ་ཚུ་ ལོག་སྟེ་ར་ འགོ་བཙུགས་ནུག།
ས་རུད་དེ་ སྤྱི་ཟླ་ ༧ པའི་ཚེས་ ༡༩ ལུ་ སྤོ་ཏོག་ཅིག་གི་ གད་པ་གུ་ གཞིས་ཆགས་ཏེ་ཡོད་སར་ ཐོན་ཡོདཔ་ད་ གཡུས་ཚན་དེ་ནང་ མི་རློབས་ ༢༢༨ ཡོད་མི་ལས་ མི་རོ་ ༡༦ དང་ མི་ངོམ་ ༩༣ འཚོལ་ཐོབ་ཡོདཔ་ཨིན་པས།
ཨིན་རུང་ གཡུས་ཚད་དེ་ནང་ལས་ གཉེན་སྦྱོར་གྱི་ རྟེན་འབྲེལ་དང་ བྱཱ་ལཱ་ཚུ་དང་འབྲེལ་ཏེ་ ཕྱི་ཁར་འགྱོ་མི་ མི་གྲངས་ ༨༦ འཚོལ་བའི་བསྒང་ཡོདཔ་ད་ གཡུས་ཚན་དེ་ནང་ ཁྱིམ་གུང་ ༥༠ དེ་ཅིག་ཡོད་ས་ལས་ ༡༧ ལུ་ ས་རུད་ཀྱིས་ གནོད་སྐྱོན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: