རྒྱ་གར་ལུ་ ཅ་དམ་སྡེ་ཚན་གྱིས་ མི་ ༡ དང་སྦྲགས་ཏེ་ རྡོ་རྗེ་ཕ་ལམ་འཛིན་བཟུང་།

ཨེན་ཌི་ཊི་ཝི།
སྤྱི་ཟླ་ ༨ པའི་ཚེས་ ༡༠ ལུ་ རྒྱ་གར་མུམ་བཱ་ཡེ་ མཁའ་འགྲུལ་ཅ་དམ་སྡེ་ཚན་གྱིས་ དུ་བཱ་ཡི་ལུ་ འགྲུལ་བསྐྱོད་འབད་མི་ རྒྱ་གར་གྱི་ མི་ངོམ་ ༡ ལས་ རུ་པི་བྱེ་བ་ ༡.༤༩ གནས་མི་ སྤུས་ཚད་ ༡༥༥༥༩.༦ ཅན་གྱི་ རྡོ་རྗེ་ཕ་ལམ་ཚུ་ འཕྱོག་བཟུང་འབད་ནུག།
འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ རྡོ་རྗེ་ཕ་ལམ་ཚུ་ ཇ་ཨམ་གྱི་ཤོག་སྒྲོམ་ཚུ་ནང་ སྦ་སྟེ་ཡོདཔ་ད་ གནད་དོན་དེ་གི་སྐོར་ལས་ ཞིབ་དཔྱད་ཁ་སྐོང་འབད་དོ་ཡོདཔ་ཨིན་པས།
དེ་བཟུམ་སྦེ་ སྤྱི་ཟླ་ ༨ པའི་ཚེས་ ༡༡ ལུ་ཡང་ ཀོ་ཅིན་ཅ་དམ་སྡེ་ཚན་གྱིས་ ཨིན་ཌི་གོ་ གནམ་གྲུའི་ཆབ་གསང་ནང་ལས་ རུ་པི་འབུམ་ ༨༥ གནས་མི་ གསེར་ག་རམ་ ༡,༧༠༩ དེ་ཅིག་ ཐོབ་ཡོདཔ་ད་ ཕད་ཅུང་ ༢ ནང་ཡོད་མི་ གསེར་དེ་གི་ ཇོ་བདག་མ་ཐོནམ་ཨིན་པས།
འགོ་དཔོན་ཚུ་གིས་ གསེར་ཡོད་མི་ ཕད་ཅུང་ ༢ པོ་དེ་ ཨིན་ཌི་གོ་ མཁའ་འགྲུལ་ལས་བྱེདཔ་ཚུ་གིས་ སྙན་ཞུ་འབད་མི་དང་འཁྲིལ་ཏེ་ ཐོབ་ཡོདཔ་ད་ ད་རེས་ནངས་པར་ དབྱེ་ཞིབ་འབད་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: