ཨཱཕ་རི་ཀའི་རྒྱལ་ཁབ་ མོ་རོ་ཀོ་ལུ་ ས་ཡོམ་གྱིས་གནོད་སྐྱོན།

སི་ཨེན་ཨེན།
སྤྱི་ཟླ་ ༩ པའི་ཚེས་ ༨ ཀྱི་ནུབ་མོར་ ཨཱཕ་རི་ཀའི་རྒྱལ་ཁབ་ མོ་རོ་ཀོའི་ཁྲོམ་ མུ་ར་ཀེཆ་ཟེར་སའི་ ཉེ་འདབས་ལུ་ ཤུགས་ཚད་རིག་ཊར་ ༦.༨ འབད་མི་ ས་ཡོམ་ཚབས་ཆེན་ཅིག་ རྐྱབ་ཡོདཔ་ལས་ མི་གྲངས་ ༨༢༠ ལྷགཔ་་ཅིག་ལུ་ ཤི་རྐྱེན་བྱུང་ནུག།
ས་ཡོམ་དེ་ཡང་ མུ་ར་ཀེཆ་ཁྲོམ་ལས་ ལྷོ་ནུབ་ཁ་ཐུག་ལུ་ ཀི་ལོ་མི་ཊར་ ༧༢ ཀྱི་ ས་ཁར་ཡོད་མི་ གངས་རི་ཨེཊ་ལཱཛ་ཟེར་ས་ལས་ འགོ་བཙུགས་ཡོདཔ་ད་ མུ་ར་ཀེཆ་ཁྲོམ་དེ་ བལྟ་བཤལ་པ་ལེ་ཤ་འོང་སའི་ ས་གོ་ཅིག་དང་ ཁྲོམ་དེ་ནང་ མི་རློབས་དེ་ ༨༤༠,༠༠༠ དེ་ཅིག་ཡོདཔ་ཨིན་པས།
ས་ཡོམ་དེ་གིས་ མུ་ར་ཀེཆ་ལུ་ དུས་རབས་ ༡༢ པའི་ནང་ རྐྱབ་ཡོད་མི་ རྒྱལ་རབས་ཅན་གྱི་རྩིགཔ་ཚུ་ ཧྲམ་བཏང་ཡོདཔ་མ་ཚད་ སྒྲིང་ཁྱིམ་ཚུ་ཡང་ ལེ་ཤ་ཅིག་ར་ མེདཔ་བཏང་ནུག།
མོ་རོ་ཀོ་གཞུང་གིས་ བཤད་དོ་བཟུམ་འབད་བ་ཅིན་ ས་ཡོམ་གྱིས་ གནོད་སྐྱོན་སྦོམ་བྱུང་སར་ སྲོག་སྐྱབས་འབད་མི་ཚུ་ འགྱོ་ནིའི་དོན་ལས་ འཁོར་ལམ་ཚུ་ མེདཔ་བཏང་པ་ལུ་བརྟེན་ཏེ་ ལཱ་ཁག་བཏང་མས་ཟེར་ བཀོད་འདུག་པའི་གནས་ཚུལ།

Please follow and like us: