རྒྱ་གར་གྱིས་ ཀེ་ན་ཌའི་ མི་ཁུངས་ཚུ་ལུ་ རྒྱ་གར་རྒྱལ་ཁབ་ནང་ འཛུལ་ཞུགས་ཆོག་ཐམ་མཚམས་འཇོག།

བི་བི་སི།
ཀེ་ན་ཌ་ལུ་ སིག་ཆོས་ལུགས་ཀྱི་ མི་ངོམ་ཅིག་ བསད་ཡོད་པའི་སྐོར་ལས་ རྒྱ་གར་དང་ མ་འགྲིགས་པར་ཡོད་པའི་ གནས་སྐབས་ནང་ རྒྱ་གར་གྱིས་ ཀེ་ན་ཌའི་ མི་ཁུངས་ཚུ་གི་ འཛུལ་ཞུགས་ཆོག་ཐམ་ མཚམས་འཇོག་འབད་ནུག།
དེ་སྦེ་ འཛུལ་ཞུགས་ཆོག་ཐམ་ མཚམས་འཇོག་འབད་མི་དེ་ཡང་ ཉེན་སྲུང་གི་དོན་ལས་ཨིན་རུང་ ཀེ་ན་ཌ་ལུ་ འཛུལ་ཞུགས་ཆོག་ཐམ་གྱི་ལཱ་ཚུ་ འཕྲོ་མཐུད་དེ་ར་ རྒྱ་གར་ལས་ ལག་ལེན་འཐབ་དོ་ཡོདཔ་ཨིན་པས།
དེ་ཡང་ ཀེ་ན་ཌ་གི་ དབུ་ཁྲིད་དེ་གིས་ སྤྱི་ཟླ་ ༦ པའི་ཚེས་ ༡༨ ལུ་ སིག་ཆོས་ལུགས་ཀྱི་ མི་ངོམ་བསད་མིའི་ནང་ རྒྱ་གར་ཡང་ འབྲེལ་བ་འོང་སྲིད་ཟེར་ སླབ་པའི་ཤུལ་ལུ་ རྒྱལ་ཁབ་ ༢ ཀྱི་བར་ན་ བྱ་སྟབས་མ་བདེཝ་ཐོན་ནུག།
རྒྱ་གར་གྱི་ ཕྱི་འབྲེལ་ལྷན་ཁག་ལས་འབད་བ་ཅིན་ ཀེ་ན་ཌ་ལུ་ཡོད་མི་ རྒྱ་གར་གཞུང་ཚབ་ ཡིག་ཚང་ལུ་ཡང་ ཉེན་བརྡ་ཚུ་འབད་ནི་དེ་གིས་ དུས་རྒྱུན་གྱི་ལཱ་ལུ་ ཐོ་ཕོག་སྟེ་ཡོདཔ་མ་ཚད་ འཛུལ་ཞུཊ་ཆོག་ཐམ་གྱི་ ཞུ་བ་འབད་མི་ཚུ་ཡང་ གནས་སྐབས་ཅིག་ ལག་ལེན་འཐབ་མ་ཚུགས་པར་ཡོད་ཟེར་ཨིན་པས།
ཀེ་ན་ཌ་གིས་ རྒྱ་གར་ལུ་ཡོད་མི་ ཀེ་ན་ཌའི་ གཞུང་ཚབ་ཡིག་ཚང་གི་ ལས་བྱེདཔ་མར་ཕབ་འབད་ནི་ཨིན་པའི་ གསལ་བསྒྲགས་འབད་ཡོདཔ་ད་ དེ་ཡང་ གཞུང་ཚབ་ཡིག་ཚང་གི་ ལས་བྱེདཔ་ཚུ་ལུ་ མི་སྡེ་བརྡ་བརྒྱུད་ཐོག་ལས་ ཉེན་བརྡ་ཚུ་ ཐོབ་ནི་དེ་གིས་ཨིན་པས་ཟེར་བཀོད་ནུག།
རྒྱ་གར་དང་ ཀེ་ན་ཌ་ ༢ ཀྱི་བར་ན་ ཧེ་མ་ལས་ མཐུན་ལམ་དམ་ཟབ་ཡོད་རུང་ ད་རེས་ནངས་པར་ བྱ་སྟབས་མ་བདེཝ་ ཐོན་ནུག་ཟེར་ བཀོད་འདུག་པའི་གནས་ཚུལ།

Please follow and like us: