མི་གི་དོན༌ཧིང༌ཚབ་ལུ་ ཕགཔ་གི་དོན་ཧིང་ ཐེངས་ ༢ པ་བཙུགས་ཡོདཔ།

སི་ཨེན་ཨེན།
སྤྱི་ལོ་ ༢༠༢༢ ལུ་ འགོ་དང་པ་ འགྲོ་བ་མི་ལུ་ དོན་ཧིང་གི་ཚབ་སྦེ་ ཕགཔ་གི་དོན་ཧིང་ བཙུགས་པའི་ཤུལ་ལས་ ད་རུང་ཡང་ ད་རེས་ སྤྱི་ཟླ་ ༩ པའི་ཚེས་ ༢༠ ལུ་ ཡུ་ཨེཛ་ལུ་ཡོད་མི་ མེ་རི་ལེན་ གསོ་རིག་གཙུག་ལག་སློབ་སྡེའི་ནང་ ངོ་མིང་ལོ་རེནཛ་ཕོ་སེཊ་ཟེར་མིའི་ དོན་ཧིང་གི་ཚབ་ལུ་ ཕགཔ་གི་དོན་ཧིང་བཙུགས་ནུག།
དེ་ཡང་ གཙུག་ལག་སློབ་སྡེ་གིས་ གནས་ཚུལ་ཅིག་ གསར་བཏོན་འབད་མིའི་ནང་ བཀོད་དོ་བཟུམ་འབད་བ་ཅིན་ སྐྱེས་ལོ་ ༥༨ འབད་མི་ ལོ་རེནཛ་ལུ་ ཕགཔ་གི་དོན་ཧིང་ བཙུགས་པའི་ཤུལ་ལས་ དབུགས་གཏོང་ལེན་ཚུ་ ཁོ་རང་གིས་འབད་ཚུགསཔ་མ་ཚད་ དོན་ཧིང་དེ་ཡང་ འཕྲུལ་ཆས་ག་ཅི་གིས་ཡང་ རྒྱབ་སྐྱོར་འབད་མ་དགོ་པར་ ལེགས་ཤོམ་སྦེ་ར་ ལཱ་འབད་དོ་ཟེར་ཨིན་པས།
ལོ་རེནཛ་དེ་ དོན་ཧིང་གིས་ ལཱ་འབད་མ་བཏུབ་པར་ སྤྱི་ཟླ་ ༩ པའི་ཚེས་ ༡༤ ལུ་ སྨན་ཁང་ནང་ བསྐྱལ་ཡོདཔ་ད་ ཁོ་གིས་ གཤག་བཅོས་མ་འབད་བའི་ཧེ་མར་ ང་ལུ་ དོན་ཧིང་ཚབ་བཙུགས་ནི་གི་ ཐབས་ལམ་གཞན་མེདཔ་ལས་ ཕགཔ་གི་དོན་ཧིང་ བཙུགས་དགོ་ནི་ཨིན་པའི་སྐོར་ལས་ སླབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: