སྐྱབས་རྗེ་རིན་པོ་ཆེ་མཆོག་གིས་ གསར་སྤང་ལུ་ཡོད་མི་ ངལ་སངས་གླིང་གའི་ ས་ཁྲམ་དེ་ དགེ་ལེགས་ཕུག་ ཁྲོམ་སྡེ་ལུ་རྩིས་སྤྲོད།

སྤྱི་ཟླ་ ༩ པའི་ཚེས་ ༢༦ ལུ་ སྐྱབས་རྗེ་རིན་པོ་ཆེ་མཆོག་གིས་ གསར་སྤང་ལུ་ཡོད་མི་ ཕུཊ་བཱོལ་མེ་ཌི་སི་ནཱལ་ ངལ་སངས་གླིང་གའི་ ས་ཁྲམ་དེ་ དགེ་ལེགས་ཕུག་ཁྲོམ་སྡེ་ལུ་ རྩིས་སྤྲོད་གནང་ནུག།
དེ་ཡང་ ཐིམ་ཕུ་ལུང་བསྟན་ཕུག་ལུ་ སྐྱབས་རྗེ་རིན་པོ་ཆེ་མཆོག་གི་ གཟིམ་ཅུང་ནང་སྦེ་ ས་ཁྲམ་རྩིས་སྤྲོད་གནང་པའི་སྐབས་ལུ་ དགེལེགས་ཕུག་ ཁྲོམ་དཔོན་གྱིས་གཙོས་པའི་ འགོ་དཔོན་ཚུ་ སྐྱབས་རྗེ་མཆོག་གི་ སྐུ་མདུན་ལུ་ བཅར་ཡོདཔ་ད་ ས་ཁྲམ་རྩིས་སྤྲོད་དང་སྦྲགས་ཏེ་ བཀའ་ཤོག་གནང་མིའི་ནང་ ས་ཆ་དེ་ཁར་ཡོད་མི་ མཁོ་བྱད་ཚུ་གི་ ཁ་གསལ་ཚུ་ཡང་ བཀོད་གནང་སྟེ་ཡོདཔ་ཨིན་པས།
མ་གཞི་ སྐྱབས་རྗེ་མཆོག་གིས་ བཀའ་ཤོག་དེ་ སྤྱི་ཟླ་ ༩ པའི་ཚེས་ ༩ ལུ་ མི་དབང་རྒྱལ་པོའི་སྲསམོ་མཆོག་ སྐུ་འཁྲུངས་པའི་ཤུལ་ལས་ གནང་ཡོདཔ་ད་ གསར་སྤང་རྫོང་ཁག་ བསམ་གཏན་གླིང་རྒེད་འོག་ནང་ ངལ་སངས་གླིང་ག་ཡོད་མི་ ས་ཆ་ཨེ་ཀར་ ༥ པོ་དེ་ བཟའ་ཚང་རྒན་རྒས་ ༢ ཀྱིས་ སྐྱབས་རྗེ་རིན་པོ་ཆེ་ལུ་ཕུལ་ནུག།
ངལ་སངས་གླིང་ག་དེ་ གོང་འཕེལ་གཏང་ནིའི་དོན་ལུ་ གཞུང་གི་ཁ་ཐུག་ལས་ དངུལ་ཀྲམ་ས་ཡ་ ༡༦ དེ་ཅིག་ ཟད་འགྲོ་བཏང་ཡོད་པའི་གནས་ཚུལ།

Please follow and like us: