ལ་ཡ་ལུ་ ལོ་བསྟར་ས་ཁ་མཐོ་སའི་ རྒྱལ་འཛིན་དུས་སྟོན་ ཐེངས་ ༦ པ་བརྩི་སྲུང་།

སྤྱི་ཟླ་ ༡༠ པའི་ཚེས་ ༢༣ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་སྲས་ འཇིགས་མེད་རྣམ་རྒྱལ་མཆོག་ མགར་ས་རྫོང་ཁག་ ལ་ཡ་ལུ་ ས་ཁ་མཐོ་སའི་ རྒྱལ་འཛིན་དུས་སྟོན་བརྩི་སྲུང་ ཐེངས་ ༦ པའི་ནང་ ཆིབས་བསྐྱོད་གནང་ནུག།
ས་ཁ་མཐོ་སའི་ རྒྱལ་འཛིན་དུས་སྟོན་དེ་ ལོ་བསྟར་གྱི་ དུས་སྟོན་ཅིག་ཨིནམ་ད་ དུས་སྟོན་དེ་ནང་ འབྲུག་གི་ས་ཁ་མཐོ་སར་ སྡོད་མི་ཚུ་གི་ ཁྱད་ཆོས་དང་ ལམ་སྲོལ་ཚུ་ འགྲེམ་སྟོན་འབད་དོ་ཡོདཔ་ལས་ འབྲུག་རྒྱལ་ཁབ་མཐའ་དབུས་ཀྱི་ མི་སེར་ཚུ་གིས་ གྲལ་གཏོགས་འབད་བའི་ཁར་ རྒྱལ་ཁབ་ཕྱི་ནང་ ༢ ལས་ ལྟདམོ་བལྟ་མི་ཚུ་ཡང་ སྤུངས་འཛོམས་འབདཝ་ཨིན་པས།
དུས་སྟོན་དེ་ནང་ རྟ་རྒྱུགས་དང་ གཡག་གི་འགྲེམ་སྟོན་ བང་རྒྱུགས་ རོ་ཁྱིའི་ལྟདམོ་ ཁེ་རྒོད་འགྲན་བསྡུར་ དེ་ལས་ ཀི་ལོ་མི་ཊར་ ༥ ཚུན་གྱི་ བང་རྒྱུགས་འགྲན་བསྡུར་ཚུ་དང་ ས་ཁ་མཐོ་སའི་ རྩེད་རིགས་ཚུ་ཡང་ འགོ་འདྲེན་འཐབ་དོ་ཡོདཔ་ཨིན་པའི་གནས་ཚུལ།

Please follow and like us: