ཡུ་ཀེ་རེན་དང་ པོ་ལེན་གྱི་ ས་མཚམས་ཁར་ སྣུམ་འཁོར་ཀྲག་ ༢༠,༠༠༠ དེ་ཅིག་བཀག་དམ།

སི་ཨེན་ཨེན།
སྤྱི་ཟླ་ ༡༡ པའི་ཚེས་ ༡༠ ལུ་ ཡུ་ཀེ་རེན་དང་ པོ་ལེན་གྱི་ སྣུམ་འཁོར་ཀྲག་ ༢༠,༠༠༠ ལྷགཔ་ཅིག་ ས་མཚམས་སྒོ་ར་ཁག་ ༣ གྱི་ནང་ པོ་ལེན་གྱི་ དེད་གཡོགཔ་ཚུ་གིས་ ངོ་རྒོལ་འབད་དེ་ བཀག་བཞག་ཡོདཔ་ཨིན་པས།
དེ་ཡང་ ར་ཤི་ཡ་དང་ ཡུ་ཀེ་རེན་གྱི་བར་ན་ ཕྱད་མདའ་ལུ་བརྟེན་ཏེ་ ཡུ་ཀེ་རེན་གྱིས་ འབྲུ་སྣ་ཕྱིར་ཚོང་འཐབ་སའི་ ས་ཁོངས་དེ་ ར་ཤི་ཡ་གིས་ དབང་སྟེ་ཡོདཔ་ལས་ ཁོང་གི་རིན་གོང་ཆུང་བའི་ འབྲུ་སྣ་ཚུ་ ཕྱིར་ཚོང་འཐབ་ནིའི་དོན་ལས་ ཡུ་རོབ་རྒྱལ་ཁབ་ཚོགས་པ་གིས་ འཐུས་མི་རྒྱལ་ཁབ་ཚུ་ནང་ ཡུ་ཀེ་རེན་གྱི་ སྣུམ་འཁོར་ཚུ་ ཆོག་ཐམ་ཞུ་མ་དགོ་པར་ ཐོགས་ཆགས་མེདཔ་སྦེ་ འགྲུལ་བསྐྱོད་འབད་ཆོགཔ་ བཟོ་ནི་དེ་གིས་ཨིན་པས།
ཡུ་རོབ་རྒྱལ་ཁབ་ཚོགས་པའི་ གྲོས་ཆོད་དང་བསྟུན་ཏེ་ ཡུ་ཀེ་རེན་གྱི་ སྣུམ་འཁོར་ཚུ་ པོ་ལེན་བརྒྱུད་དེ་ འབྲུ་སྣ་ཚོང་སྒྱུར་འཐབ་ནི་དེ་གིས་ པོ་ལེན་གྱི་ འབྲུ་སྣ་ཚོང་སྒྱུར་ལུ་ ཐོ་ཕོགཔ་ལས་ པོ་ལེན་གྱི་ དེད་གཡོགཔ་ཚུ་གིས་ ས་མཚམས་སྒོ་ར་ གཙོ་བོ་ ༣ བརྒྱུད་དེ་ སྣུམ་འཁོར་ཚུ་ འགྱོ་མ་བཅུག་པར་ བཀག་བཞག་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: