ཡུ་ཀེ་རེན་ལུ་ གནམ་དགུན་གྱི་ ནུས་ཤུགས་གྲ་སྒྲིག།

སི་ཨེན་ཨེན།
ཡུ་ཀེ་རེན་ལུ་ གནམ་དགུན་འཐོནམ་ད་ ད་རུང་ཡང་ བཟའ་ཚང་ཚུ་ ན་ཧིང་བཟུམ་སྦེ་ ག་ནི་བ་ཡང་ གྱང་ཤུགས་ཆེ་བའི་ གནས་སྟངས་ནང་ དཀའཝ་སྤྱད་འོང་མནོ་སྟེ་ ཡུ་ཀེ་རེན་གྱི་ ཁ་ཐུག་ལས་ ནུས་ཤུགས་ཀྱི་ གཞི་རྟེན་མཁོ་ཆས་ཚུ་ ག་དེ་མགྱོགས་མགྱོགས་ བསྐྱར་བསྐྲུན་དང་ སྲུང་སྐྱོབ་འབད་ནི་ལུ་ བརྩོན་ཤུགས་བསྐྱེདཔ་ཨིན་པས།
དེ་ཡང་ དུས་ཅི་ ར་ཤི་ཡ་གིས་ བེ་ལེག་སི་ རྒྱ་མཚོ་དང་ ཌེ་ནུབ་གཙང་ཆུ་ཚུ་བདའ་སྟེ་ འབྲུ་སྣ་ཕྱིར་ཚོང་གི་ ས་སྒོ་དང་ དམག་སྒར་ཚུ་ནང་ གནོད་འཚུབ་བཀལ་ནི་ལུ་ གཙོ་བོར་བཏོནམ་ལས་ ན་ཧིང་ ར་ཤི་ཡ་གིས་ མེདཔ་བཏང་མི་ ནུས་ཤུགས་མཐུན་རྐྱེན་ཚུ་ བསྐྱར་བསྐྲུན་དང་ ཉམས་གསོ་འབད་ནི་ལུ་ གོ་སྐབས་ཐོབ་ནུག།
དེ་མ་ཚད་ ན་ཧིང་ ཡུ་ཀེ་རེན་ལུ་ མཁའ་ཐོག་ཉེན་སྲུང་གི་ རིམ་ལུགས་ཚུ་ཡང་ ཚད་གཅིག་ལས་ མེད་པ་ལུ་བརྟེན་ཏེ་ ར་ཤི་ཡ་གིས་ ནུས་ཤུགས་མཐུན་རྐྱེན་ཚུ་ འཇམ་ཏོང་ཏོ་སྦེ་ མེདཔ་བཏང་ཡོད་རུང་ དུས་ཅི་ དུམ་གྲ་ཅིག་ ལཱ་ཁག་གཏང་འོང་ཟེར་ ཡུ་ཀེ་རེན་གྱི་ སྲུང་སྐྱོབ་གསང་ཞིབ་ལས་སྡེ་གིས་ བཤདཔ་ཨིན་པས་ཟེར་ བཀོད་དུག་པའི་གནས་ཚུལ།

Please follow and like us: