རྒྱ་པཱན་ལུ་ ཨོཛ་པེ་རེ་ཟེར་མི་ གནམ་གྲུ་ཚུ་ འཕུར་འགྲུལ་བཀག་དམ།

བི་བི་སི།
འདས་པའི་བདུན་ཕྲག་ནང་ རྒྱ་པཱན་ལུ་ ཡུ་ཨེཛ་གི་གནམ་གྲུ་ ཨོཛ་པེ་རེ་ཟེར་མི་ ༡ ས་ཁར་བུད་དེ་ ཡུ་ཨེཛ་གི་ དམག་མི་ ༨ ལུ་ ཤི་རྐྱེན་བྱུང་པའི་ཤུལ་ལས་ ཨོཛ་པེ་རེ་ གནམ་གྲུ་ཚུ་ འཕུར་ནི་མེདཔ་སྦེ་ བཀག་དམ་འབད་ནུག།
དེ་ཡང་ རྒྱ་པཱན་ལུ་བུད་མི་ གནམ་གྲུ་དེ་ འཕྲུལ་ཆས་ལུ་ སྐྱོན་ཞུགས་ནི་དེ་གིས་ཨིནམ་སྦེ་ བཤད་ཡོད་རུང་ ད་ལྟོ་ ཞིབ་དཔྱད་འབད་དོ་ཡོདཔ་ལས་ ཞིབ་དཔྱད་དེ་ མཇུག་མ་བསྡུ་ཚུན་ འཕུར་ནི་མེདཔ་སྦེ་ བཀག་དམ་འབད་ཡོདཔ་ད་ རྒྱ་པཱན་ལུ་ དེ་བཟུམ་མའི་ གནམ་གྲུ་ ༡༤ ཡོདཔ་ཨིན་པས།
ཧེ་ལི་ཀོབ་ཊར་བཟུམ་དང་ གནམ་གྲུ་གཞན་ཚུ་བཟུམ་སྦེ་ འཕུར་བཏུབ་མི་ གནམ་གྲུ་དེ་ཚུ་ ཡུ་ཨེཛ་དང་ རྒྱ་པཱན་རྐྱངམ་ཅིག་གིས་ ལག་ལེན་འཐབ་དོ་ཡོདཔ་ཨིན་པས།
སྤྱི་ཟླ་ ༨ པའི་ནང་ ཨོཛ་པེ་རེ་ གནམ་གྲུ་ ༡ ཨཱཛ་ཊེ་ལི་ཡ་ལུ་ བུད་ཡོདཔ་ལས་ ཡུ་ཨེཛ་གི་ དམག་མི་ ༣ ལུ་ ཤི་རྐྱེན་དང་ གཞན་མི་ ༢༠ ལུ་ རྨ་སྐྱོན་བྱུང་ཡོདཔ་མ་ཚད་ ན་ཧིང་ཡང་ ཀ་ལི་ཕོར་ནི་ཡ་ལུ་ ས་ཁར་བུད་དེ་ མཚོ་དམག་ ༥ ལུ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: