རྒྱ་གར་གུ་ཇ་རཱཏ་མངའ་སྡེའི་ཁྲོམ་ བ་དོ་ཌ་ར་ལུ་ གྲུ་ཆུང་ཅིག་ ཆུ་ནང་ཐིམས་སོངཔ་ལས་ སློབ་དཔོན་དང་ སློབ་ཕྲུག་ཚུ་ལུ་ཤི་རྐྱེན།

བི་བི་སི།
སྤྱི་ཟླ་ ༡ པའི་ཚེས་ ༡༨ ལུ་ རྒྱ་གར་གུ་ཇ་རཱཏ་མངའ་སྡེའི་ཁྲོམ་ བ་དོ་ཌ་ར་ཟེར་སར་ཡོད་མི་ ཧར་ནི་མཚོ་གུ་ གྲུ་ཆུང་ཅིག་ ཐིསམ་སོངཔ་ལས་ སྐྱེས་ལོ་ ༧ ལས་ ༡༢ ཀྱི་བར་ན་འབད་མི་ སློབ་ཕྲུག་ ༡༢ དང་ སློབ་དཔོན་ ༢ ལུ་ ཤི་རྐྱེན་བྱུང་ཡོདཔ་ད་ ཁྲིམས་སྲུང་འགག་སྡེ་གིས་ རྐྱེན་ངན་དེ་ནང་ གྲལ་གཏོགས་ཡོད་མི་ ༢ འཛིན་བཟུང་འབད་ནུག།
གྲུ་ཆུང་དེ་ ག་ཅི་ལུ་བརྟེན་ཏེ་ ཐིམས་སོངཔ་ཨིན་ན་ གཏན་འཁེལ་སྦེ་ ཤེས་མ་ཚུགས་པར་ཡོད་རུང་ ས་གནས་དེ་ཁའི་ མི་ཚུ་གིས་འབད་བ་ཅིན་ མི་གྲངས་ ༡༤ གི་ ཤོང་ཚད་ཡོད་མི་ གྲུ་ཆུང་དེ་ནང་ མི་ཚད་ལས་རྒལ་ཏེ་ འབག་འགྱོ་སར་ མཐོང་ཅི་ཟེར་ཨིན་པས།
སློབ་ཕྲུག་ཚུ་གི་ ཕམ་ཚུ་གིས་ སློབ་ཕྲུག་ཚུ་ལུ་ སློབ་གྲྭའི་ཁ་ཐུག་ལས་ ཉེན་སྲུང་གི་ གྱོན་ཆས་ཚུ་ ག་ནི་ཡང་ མ་བྱིན་པར་ གྲུ་ནང་འཁྱིད་འགྱོ་མི་དེ་ ཉེན་སྐྱོབ་ཀྱི་ ལམ་ལུགས་ལས་ འགལ་ཡོད་པའི་ ཁ་ཉེས་བཀལ་དོ་ཡོདཔ་ད་ ཨ་ལོ་ཚུ་ཡང་ སློབ་དཔོན་ཚུ་གིས་ མཛར་ཅུམ་ཟ་བར་ ཁྱིད་སོང་ནུག་ཟེར་ བཀོད་འདུག་པའི་གནས་ཚུལ།

Please follow and like us: