རྒྱ་ནག་གི་ སློབ་གྲྭ་ཅིག་ལུ་ མེ་རྐྱེན་ཤོར་མིའི་ནང་ མི་གྲངས་ ༡༣ ལུ་ཤི་རྐྱེན།

ཨེན་ཌི་ཊི་ཝི།
སྤྱི་ཟླ་ ༡ པའི་ཚེས་ ༡༩ གི་ཕྱི་རོ་ རྒྱ་ནག་དབུས་ཕྱོགས་ཀྱི་ མངའ་སྡེ་ཧེ་ནཱན་ཟེར་སར་ སློབ་གྲྭའི་ཉལ་ཁྱིམ་ཅིག་ལུ་ མེ་རྐྱེན་བྱུང་ཡོདཔ་ལས་ མི་གྲངས་ ༡༣ ལུ་ ཤི་རྐྱེན་བྱུང་ནུག།
དེ་ཡང་ ས་གནས་ཀྱི་ མེ་བསད་སྡེ་ཚན་གྱིས་ ནུབ་མོའི་ཆུ་ཚོད་ཕྱེད་དང་ ༡༡ དེ་ཅིག་ཁར་ མེ་རྐྱེན་དེ་ བསད་ཚུགས་ཏེ་འབད་རུང་ མི་གྲངས་ ༡༣ ལུ་ ཤི་རྐྱེན་བྱུང་ནུག་ཟེར་ཨིན་པས།
རྐྱེན་ངན་དེ་ནང་ རྨ་སྐྱོན་བྱུང་མི་ཚུ་ སྨན་ཁང་ནང་ སྨན་བཅོས་འབད་དོ་ཡོདཔ་ད་ ས་གནས་ཀྱི་ དབང་འཛིན་ཚུ་གིས་ མེ་དེ་ག་ཅི་ལུ་བརྟེན་ཏེ་ འབར་ཡོདཔ་ཨིན་ན་ ཞིབ་དཔྱད་ཚུ་འབད་དོ་ཡོདཔ་མ་ཚད་ མེ་རྐྱེན་དེ་ནང་ གྲལ་གཏོགས་ཡོད་མི་ ༡ ཡང་ འཛིན་བཟུང་ཐོག་ལུ་ བཞག་ནུག་ཟེར་ བཀོད་འདུག་པའི་གནས་ཚུལ།

Please follow and like us: