མི་དབང་མངའ་བདག་རིན་པོ་ཆེ་མཆོག་ལུ་ ཀུ་ཝེཊ་གཞུང་ཚབ་ཀྱིས་ གཞུང་ཚབ་ངོ་སྤྲོད་ཀྱི་ ཡིག་ཆ་ཚུ་ཕུལ་ཡོདཔ།

སྤྱི་ཟླ་ ༢ པའི་ཚེས་ ༣ གྱི་དྲོ་པར་ འབྲུག་བཞུགས་ཀུ་ཝེཊ་གཞུང་ཚབ་ ཨ་དེལ་ཧུཛ་སིན་ ཨཱལ་ཇཛ་སམ་གྱིས་ བཀྲིས་ཆོས་རྫོང་ནང་སྦེ་ མི་དབང་མངའ་བདག་རིན་པོ་ཆེ་མཆོག་ལུ་ གཞུང་ཚབ་ངོ་སྤྲོད་ཀྱི་ ཡིག་ཆ་ཚུ་ ཕུལ་ཡོདཔ་ཨིན་པས།

འབྲུག་དང་ ཀུ་ཝེཊ་རྒྱལ་ཁབ་ ༢ ཀྱི་བར་ན་ དོན་གཅོད་མཐུན་འབྲེལ་དེ་ སྤྱི་ལོ་ ༡༩༨༣ ལུ་ ཀུ་ཝེཊ་རྒྱལ་ཁབ་ནང་ འབྲུག་གི་དོན་གཅོད་ཡོངས་ཁྱབ་ཡིག་ཚང་ སྒོ་ཕྱེ་མི་དང་འབྲེལ་ཏེ་ བྱུང་ཡོདཔ་ད་ དེ་ལས་ སྤྱི་ལོ་ ༡༩༨༦ ལུ་ ཀུ་ཝེཊ་གི་ཁྲོམ་སྡེར་ འབྲུག་གི་གཞུང་ཚབ་ཡིག་ཚང་ གཞི་བཙུགས་ཐོག་ལས་ ཡར་སེང་མཛད་ཡོདཔ་མ་ཚད་ ཐིམ་ཕུ་ལུ་ ཀུ་ཝེཊ་རྒྱལ་ཁབ་ཀྱི་ གཞུང་ཚབ་ཡིག་ཚང་དེ་ཡང་ སྤྱི་ལོ་ ༢༠༡༠ ལུ་ གཞི་བཙུགས་འབད་ནུག།

དེ་ཡང་ རྒྱལ་ཁབ་ ༢ ཀྱི་ མི་དབང་སྐུ་འཁོར་ལྷན་རྒྱས་ཚུ་གི་ ལམ་སྟོན་བཟང་པོའི་འོག་ལུ་ འབྲུག་དང་ ཀུ་ཝེཊ་གི་བར་ན་ ཟུང་ཕྱོགས་མཐུན་འབྲེལ་དང་ མཛའ་བཤེས་མཐུན་ལམ་ཚུ་ ག་ནི་བ་ དམ་ཟབ་སྦེ་ཡོདཔ་ཨིན་པའི་གནས་ཚུལ།