རྒྱ་གར་ཨུ་ཏར་ཁཱན་ལུ་ མུཛ་ལིམ་གྱི་ ལྷ་ཁང་ཅིག་ བཤུབ་བཏང་མིའི་ནང་ མི་ངོམ་ ༤ ལུ་ཤི་རྐྱེན།

བི་བི་སི།
སྤྱི་ཟླ་ ༢ པའི་ཚེས་ ༩ ལུ་ རྒྱ་གར་བྱང་ཕྱོགས་མངའ་སྡེའི་ནང་ ཁྲིམས་འགལ་ཐོག་ལས་ བཟོ་བསྐྲུན་འབད་ཡོད་མི་ མུཛ་ལིམ་གྱི་ ལྷ་ཁང་ཅིག་ དབང་འཛིན་ཚུ་གིས་ བཤུབ་བཏངམ་ལས་ བྱེལཝ་ཐོན་མིའི་ནང་ མི་གྲངས་ ༤ ལུ་ ཤི་རྐྱེན་བྱུང་ནུག།.
དེ་ཡང་ ཨུ་ཏར་ཁཱན་གྱི་ཁྲོམ་ ཧཱལ་ད་ཝ་ནི་ལུ་ ཧམ་འཛུལ་བཀག་འཛིན་གྱི་དོན་ལས་ ཁྲིམས་སྲུང་འགག་པ་ཚུ་ འགྱོ་བའི་སྐབས་ལུ་ ཐོན་ཡོདཔ་ད་ དབང་འཛིན་ཚུ་གིས་ བཤད་དོ་བཟུམ་འབད་བ་ཅིན་ ཁྲིམས་སྲུང་འགག་པ་ཚུ་ཡང་ ཁྲིམས་འགལ་ཐོག་ལས་ བཟོ་བསྐྲུན་འབད་དེ་ཡོད་མི་ མུཛ་ལིམ་གྱི་ ལྷ་ཁང་ཅིག་དང་ ཆོས་དོན་སློབ་གྲྭ་ཅིག་ བཤུབ་གཏང་ནི་སྦེ་ ས་གནས་དེ་ཁར་ སོང་ནུག་ཟེར་ཨིན་པས།
ཨིན་རུང་ ལྷ་ཁང་དེ་ནང་ སྨོན་ལམ་བཏབ་མི་ མུཛ་ལིམ་ཚུ་གིས་འབད་བ་ཅིན་ ཁོང་ལུ་ དྲང་བདེན་མེད་པའི་ བྱ་སྤྱོད་སྟོན་ཡོདཔ་སྦེ་ྲ བཤད་ཡོདཔ་ད་ གནད་དོན་དེ་དང་འབྲེལ་ཏེ་ ངོ་རྒོལ་འབད་མི་ཚུ་དང་ ཁྲིམས་སྲུང་འགག་པའི་བར་ན་ བྱེལཝ་ཐོན་ཡོདཔ་ལས་ ངོ་རྒོལ་འབད་མི་ཚུ་གིས་ སྣུམ་འཁོར་ཚུ་ མེར་བཏང་པའི་གུ་ ཁྲིམས་སྲུང་འགག་པ་ཚུ་ལུ་ཡང་ རྡོ་ཤུད་རྐྱབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: