ཏ་ཡེ་ཝཱན་གྱི་ སྲིད་འཛིན་གསརཔ་གིས་ རྒྱ་ནག་དང་གཅིག་ཁར་ ཡུན་བརྟན་མཐུན་འབྲེལ།

རོའི་ཊརཛ།
སྤྱི་ཟླ་ ༥ པའི་ཚེས་ ༡༨ ལུ་ ཏ་ཡེ་ཝཱན་གྱི་ སྲིད་འཛིན་གསརཔ་ ལེ་ཅིང་ཏེ་གིས་ རྒྱ་ནག་དང་གཅིག་ཁར་ ཡུན་བརྟན་ཅན་གྱི་ མཐུན་འབྲེལ་བཟོ་ནི་སྦེ་ ཁས་བླངས་འབད་ཡོདཔ་ཨིན་པས།
སྲིད་འཛིན་ལེ་གིས་ སྲིད་འཛིན་བགྲེསཔ་ ཨམ་ཙ་ཡེ་ཨིང་ཝེན་གྱི་འོག་ལུ་ འདས་པའི་ལོ་ངོ་ ༤ གི་རིང་ལུ་ སྲིད་འཛིན་འོགམ་སྦེ་ ཕྱག་ཞུ་ཡོདཔ་ད་ ཁས་བླངས་དེ་ཡང་ ད་རེས་ རྒྱ་ནག་གིས་ ཏ་ཡེ་ཝཱན་གྱི་ མཁའ་དབྱིངས་ནང་ ཧམ་འཛུལ་ཚུ་འབད་དེ་ རྒྱ་ནག་གི་འོག་ལུ་ འཛུལ་དགོ་པའི་ ཨེབ་ཤུགས་ཅན་གྱི་ གནས་སྟངས་ནང་ སྲིད་འཛིན་གྱི་ ཕྱག་ལཱ་གནང་ནི་ འགོ་བཙུགས་རྟེན་འབྲེལ་སྐབས་ལུ་ གསལ་བཤད་འབད་ནུག།
སྐྱེས་ལོ་ ༦༤ འབད་མི་ སྲིད་འཛིན་ལེ་གིས་ རྒྱ་ནག་དང་གཅིག་ཁར་ གྲོས་བསྟུན་ཚུ་འབད་ནི་གི་ མཁོ་འདོད་ཡང་བསྐྱར་བཀོད་ཡོད་རུང་ རྒྱ་ནག་གི་ཁ་ཐུག་ལས་ ངོས་ལེན་མེདཔ་ཨིན་པས།
ཨིན་རུང་ སྲིད་འཛིན་ཙ་ཡེ་གིས་ འགོ་བཙུགས་བཞག་མི་ ཡུན་བརྟན་མཐུན་འབྲེལ་གྱི་ ཐབས་ལམ་སྐོར་ལས་ གསུང་གྲོས་ཚུ་ གནང་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: