ལྷོ་ཨ་ཕི་རི་ཀའི་ རྒྱལ་ཁབ་ནང་ ར་མ་ཕོ་ས་དེ་ སྲིད་འཛིན་སྦེ་ བཙག་འཐུ་གྲུབ་ཡོདཔ།

ཨཱལ་ཇ་ཟི་ར།
སྤྱི་ཟླ་ ༦ པའི་ཚེས་ ༡༤ གི་ཕྱི་རུ་ ར་མ་ཕོ་ས་དེ་ ལྷོ་ཨ་ཕི་རི་ཀའི་ སྲིད་འཛིན་སྦེ་ ཁས་བླངས་རྟེན་འབྲེལ་བརྩིས་ཡོདཔ་ད་ དེ་ཡང་ ར་མ་ཕོ་སའི་ སྲིད་ཚོགས་དང་ སྲིད་ཚོགས་གཞན་ཚུ་གི་བར་ན་ མཉམ་འབྲེལ་ཆིངས་ཡིག་གུ་ མིང་རྟགས་བཀོད་དེ་ བཙག་འཐུ་འབད་ཡོདཔ་ལས་ སྲིད་འཛིན་ཕྱིར་དབྱུང་གི་ དབང་ཚད་ཡང་ སྲིད་ཚོགས་མཉམ་འབྲེལ་ལུ་ཡོདཔ་ཨིན་པས།
དེ་སྦེ་ མཉམ་འབྲེལ་འབད་མི་ སྲིད་ཚོགས་ཚུ་ཡང་ ཌེ་མོ་ཀེར་ཊིག་ ཨེ་ལ་ཡེནཛ་དང་ ཨཱཕ་རི་ཀ་ ནེ་ཤ་ནཱལ་ཀོང་གེ་རེཛ་ དེ་ལས་ ཨིན་ཀ་ཐ་ཕི་རི་ཌམ་ སྲིད་ཚོགས་ཚུ་ཨིན་པས།
དེ་བཟུམ་མའི་ སྲིད་ཚོགས་མཉམ་འབྲེལ་ གཞི་བཙུགས་འབད་མི་དེ་ཡང་ གཙོ་བོ་ར་ ཨ་ཕི་རི་ཀ་ ནེ་ཤ་ནཱལ་ཀོང་གེ་རེཛ་དེ་ རྒྱལ་ཡོངས་བཙག་འཐུའི་ནང་ སྡོད་ཁྲི་ ༤༠༠ ཡོད་ས་ལས་ ༡༥༩ ལས་ མ་ཐོབ་ནི་དེ་གིས་ མཉམ་བསྡོམས་འབད་ནུག།
ཨིན་རུང་ ཨི་ཀོ་ནོ་མིག་ཕི་ རི་ཌམ་ ཕ་ཡེ་ཊརཛ་དང་ ཨེམ་ཀེ་སྲིད་ཚོགས་ ༢ ཀྱིས་ མཉམ་བསྡོམས་འབད་མ་བཏུབ་པས་ཟེར་ བཀོད་འདུག་པའི་གནས་ཚུལ།

Please follow and like us: