སུ་དཱན་ལུ་ ནང་འཁྲུག་ལང་བཞིན་དུ་ཡོདཔ་ལས་ མི་སེར་ཚུ་ལུ་ བཀྲེས་སྐོམ་གྱི་སྡུག་བསྔལ།

བི་བི་སི།
ན་ཧིང་ སྤྱི་ཟླ་ ༤ པ་ལས་ར་ སུ་དཱན་ལུ་ དྲག་པོའི་དམག་སྡེ་དང་ རེ་པིཌ་ས་པོཊ་ཕོརཛ་གི་བར་ན་ ནང་འཁྲུག་ལང་མི་དེ་ ད་རེས་ཡང་ འཇོམས་མ་ཚུགས་པར་ཡོདཔ་ལས་ མི་སེར་ས་ཡ་ ༩ ལྷགཔ་ཅིག་ རང་སོའི་ཁྱིམ་ནང་ལས་ ཐོན་འགྱོ་དགོཔ་ཐོན་ནུག།
སུ་དཱན་ལུ་ ལཱ་འབད་མི་ བཟའ་འཐུང་མཁས་མཆོག་ ཊིམ་མོ་གཱཛ་བིག་གིས་ བཤད་དོ་བཟུམ་འབད་བ་ཅིན་ རྒྱལ་ཁབ་ནང་ མི་རློབས་བརྒྱ་ཆ་ ༧༠ དེ་ཅིག་ལུ་ བཟའ་འཐུང་གི་ དཀའ་ངལ་ཚབས་ཆེན་སྦེ་ར་ བྱུང་སྟེ་ཡོད་ཟེར་ཨིན་པས།
དེ་བཟུམ་མའི་ ནང་འཁྲུག་ལུ་བརྟེན་ཏེ་ སུ་དཱན་རྒྱལ་ཁབ་ནང་ དཔལ་འབྱོར་གྱི་ལཱ་ཚུ་ ག་ནི་ཡང་ ལག་ལེན་འཐབ་མ་ཚུགས་དེ་གིས་ མི་སེར་ཚུ་ལུ་ དངུལ་མེད་པར་ ལཱ་ཁག་བཏང་དོ་ཡོདཔ་ཨིན་པས།
རྒྱལ་ཁབ་དེ་ནང་ བཟའ་འཐུང་གིས་ མ་ལང་པའི་ དཀའ་ངལ་སྦོམ་སྦེ་ར་ ཐོན་ཏེ་ཡོད་པའི་གུ་ བཟའ་ཆས་དུམ་གྲ་རེ་ ཐོབ་མི་ཚུ་ཡང་ གོང་ཚད་མཐོ་དྲགས་སྤྲོད་དེ་ ཉོ་ཟ་དགོཔ་ལས་ རང་དབང་མེད་པའི་ གནས་སྟངས་ལུ་ ཐུག་སྡོད་ནུག་ཟེར་ བཀོད་འདུག་པའི་གནས་ཚུལ།

Please follow and like us: