ཡུ་ཀེའི་རྒྱལ་ཁབ་ནང་ལས་ མི་སེར་ཕྱུག་ཤོས་ཚུ་ སྟོང་ཕྲག་ལས་བཅད་དེ་ ཕྱིའི་རྒྱལ་ཁབ་ཚུ་ནང་སྤོ་བཤུད།

སི་ཨེན་ཨེན།
ཧེ་མ་འབད་བ་ཅིན་ ཡུ་ཀེ་དེ་ མི་ཕྱུགཔོ་ཚུ་ འགྲུལ་བསྐྱོད་འབད་སའི་ རྒྱལ་ཁབ་ཅིག་ཨིན་རུང་ ད་རེས་ནངས་པར་ གཞུང་གི་ཁྲལ་ཡར་སེང་དང་ སྲིད་དོན་གྱི་ རྩོད་རྙོག་ཚུ་ལུ་ སེམས་དང་མ་ལྡན་པར་ མི་སེར་ཕྱུག་ཤོས་ཚུ་ རྒྱལ་ཁབ་ལས་ཐོན་ཏེ་ འགྱོ་སྲིད་ནི་གི་ གནས་སྟངས་ལུ་ ལྷོད་ཡོདཔ་ཨིན་པས།
དེ་ཡང་ དུས་ཅི་ དངུལ་སྒྱུར་རུང་བའི་བདོག་གཏད་ ཌོ་ལར་ས་ཡ་ ༡ ལས་ ལྷག་སྟེ་ཡོད་མི་ མི་སེར་ ༩,༥༠༠ དེ་ཅིག་ རྒྱལ་ཁབ་སྤངས་ཏེ་ འགྱོ་ནི་བཟུམ་ཅིག་ཡོད་མི་དེ་ ན་ཧིང་དང་ཕྱདཔ་ད་ ལོག་བལྟབ་འོང་ནི་མས་ཟེར་བཀོད་ནུག།
འཛམ་གླིང་ནང་ མི་སེར་ཕྱུག་ཤོས་ཚུ་སྡོད་སའི་ ས་ཁོངས་ ༡༥ གི་ནང་ལས་ ཕྱིར་ཐོན་འབད་མི་ མང་ཤོས་ར་ ཡུ་ཀེ་ལུ་ སྡོད་མི་ཚུ་ཨིནམ་ད་ རྒྱལ་ཁབ་གཞན་ཁར་འབད་བ་ཅིན་ སྤྱི་ལོ་ ༢༠༢༤ ལུ་ རྒྱ་ནག་ལས་ མི་གྲངས་ ༡༥,༢༠༠ དེ་ཅིག་ འཐོན་འགྱོ་འོང་ཟེར་ཨིན་པས།
དེ་བཟུམ་སྦེ་ སྤྱི་ལོ་ ༢༠༡༣ ལས་ཚུར་ རྒྱ་པཱན་དང་ ཧོང་ཀོང་ལས་ཡང་ མི་སེར་ཕྱུགཔོ་ཚུ་ ཐོན་འགྱོ་དོ་ཡོདཔ་ད་ ཡུ་ཨེཛ་དང་ ཀེ་ན་ཌ་ ཨཱཛ་ཊེ་ལི་ཡ་ ཇར་མ་ནི་ ཕ་རཱནཛ་ཚུ་ནང་འབད་བ་ཅིན་ མི་ཕྱུགཔོ་ཚུ་གི་གྲངས་ཚད་དེ་ དུས་ཡུན་དེ་ནང་ ཡར་སེང་སོང་ནུག་ཟེར་ བཀོད་འདུག་པའི་གནས་ཚུལ།

Please follow and like us: