རྒྱ་པཱན་གྱིས་ རྒྱ་ནག་གི་ ཚོང་ཆས་བཀག་དམ།

རོའི་ཊརཛ།
རྒྱ་པཱན་གྱིས་ རྒྱ་ནག་ལུ་ གཞི་བཙུགས་འབད་དེ་ཡོད་མི་ ཚོང་སྡེ་ཚུ་ ཚོང་འབྲེལ་འཐབ་ནི་ལས་ བཀག་དམ་འབད་ཡོདཔ་ད་ དེ་ཡང་ སྤྱི་ཟླ་ ༦ པའི་ཚེས་ ༢༡ ལུ་ རྒྱ་པཱན་གྱི་ ཕྱི་འབྲེལ་ལྷན་ཁག་ལས་ ཡུ་ཀེ་རེན་དང་གཅིག་ཁར་ ཕྱད་མདའི་དོན་ལས་ ར་ཤི་ཡ་ལུ་ རྒྱབ་སྐྱོར་འབད་མི་ ངོ་རྐྱང་དང་ སྡེ་ཚན་གྱི་ ཚོང་ཆས་ཚུ་ བཀག་དམ་འབད་བའི་ ཆ་ཤས་ཅིག་ཨིན་ཟེར་ བཤད་ཡོདཔ་ཨིན་པས།
བཀག་དམ་དེ་གི་གྲས་ཁར་ རྒྱ་གར་དང་ ཀ་ཛ་ཀིཛ་ཏཱན་ དེ་ལས་ ཨེཛ་བེ་ཀིཛ་ཏཱན་ཚུ་ནང་ཡོད་མི་ རྒྱ་ནག་གི་ ཚོང་སྡེ་ཚུ་ལུ་ཡང་ ཆ་གནས་འབད་ནི་གི་ དམིགས་གཏད་ཨིནམ་ད་ ད་རེས་ ཡུ་ཀེ་རེན་གྱི་ དམག་འཁྲུག་དང་འབྲེལ་ཏེ་ རྒྱ་པཱན་གྱིས་ རྒྱ་ནག་གི་ཚོང་སྡེ་ཚུ་ བཀག་དམ་འབད་མི་དེ་ འགོ་དང་པ་ཨིན་པས།
དེ་མ་ཚད་ ར་ཤི་ཡའི་ ཌྲཱོན་ཚུ་གི་ མཉེན་ཆས་ཕྲ་རབ་ཚུ་ཡང་ མཁོ་སྤྲོད་འབད་མི་ ཧོང་ཀོང་གི་ ཨེ་ཤི་ཡ་དང་ པེ་སི་ཕིག་ ལིང་ཟེར་མི་དང་ རྒྱ་ནག་ལུ་ གཞི་བརྟེན་ཏེ་སྡོད་མི་ ཡི་ལུ་ཕ་ཨི་ལེག་ཊོ་ནིག་ཟེར་མི་ ཚོང་སྡེ་ ༢ ཡང་ བཀག་དམ་གྱི་གྲངས་སུ་ཚུད་ནུག།
དེ་བཟུམ་མའི་ ཚོང་ཆས་དང་ ཚོང་འབྲེལ་བཀག་དམ་དེ་ ཡུ་ཨེཛ་གིས་གཙོས་པའི་ རྒྱལ་ཁབ་གཞན་ཚུ་གིས་ བཀག་ཆའི་དོན་ལས་ དམིགས་གཏད་བསྐྱེད་མི་ ཚོང་སྡེ་ཚུ་ལུ་ཡང་ རྒྱ་པཱན་གྱིས་ ཕྱིར་ཚོང་འཐབ་མ་ཆོགཔ་སྦེ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: