པ་ཀིཛ་ཏཱན་ལུ་ ཀོ་རཱན་ལུ་ སྐུར་འདེབས་ཀྱི་ ཁ་ཉེས་བཀལ་ཏེ་ བལྟ་བཤལ་པ་དམར་བསད།

བི་བི་སི།
སྤྱི་ཟླ་ ༦ པའི་ཚེས་ ༢༡ ལུ་ པ་ཀིཛ་ཏཱན་གྱི་ཁྲོམ་ མ་དི་ཡཱན་ཟེར་སར་ བལྟ་བཤལ་པ་ཅིག་ མུཛ་ལིམ་ཆོས་ལུགས་ཀྱི་བཀའ་འགྱུར་ ཀོ་རཱན་ལུ་ སྐུར་འདེབས་ཀྱི་ ཁ་ཉེས་བཀལ་ཐོག་ལས་ མི་མང་གིས་ ཁྲིམས་སྲུང་དམག་སྒར་ནང་ལས་ ཕྱི་ཁར་འདྲུད་བདའ་སྟེ་ དམར་བསད་འབད་ནུག།
དེ་ཡང་ སྐུར་འདེབས་ཀྱི་ ཉེས་ཁྲིམས་དེ་ སྲོག་ཐོག་ལུ་ བཀལ་སྲོལ་ཡོདཔ་ད་ ཟླཝ་ཧེ་མའི་ནང་ ཡེ་ཤུའི་ཆོས་ལུགས་ཀྱི་ བལྟ་བཤལ་པ་ཅིག་ མི་མང་གིས་ གནོད་འཚུབ་བཀལ་བའི་ཤུལ་ལས་ གྱོངས་སོངཔ་ཨིན་པས།
ད་རེས་ བལྟ་བཤལཔ་དེ་ དམར་བསད་འབད་བའི་ཤུལ་ལུ་ ཕུངམོ་ལམ་བདའ་སྟེ་ འདྲུད་ཞིནམ་ལས་ མཐའ་མཇུག་ལུ་ མེ་བཏང་སར་ མཐོང་ཅི་ཟེར་ མིག་གིས་མཐོང་མི་ཚུ་གིས་ མི་སྡེ་བརྡ་བརྒྱུད་ནང་བཀོད་ནུག།
ག་དེ་སྦེ་ར་ཨིན་རུང་ པ་ཀིཛ་ཏཱན་གྱི་ བཟའ་ཁང་ཚུ་ བལྟ་བཤལ་པ་ཚུ་གིས་ གང་སྟེ་ཡོད་རུང་ འཕྲལ་ཁམས་ཀྱི་ བྱེལཝ་ཚུ་ལུ་བརྟེན་ཏེ་ བལྟ་བཤལ་པ་ཚུ་ ག་ཐོབ་རྐྱབ་སྟེ་ པ་ཀིཛ་ཏཱན་ལས་ འཐོན་འགྱོཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: