བོ་ལི་ཝི་ཡའི་ རྒྱལ་ཁབ་ནང་ དམངས་གཙོའི་སྲིད་གཞུང་ བཙན་འཕྲོག་འབད་ནི་གི་ དཔའ་བཅམ་ཡོདཔ།

ཨཱལ་ཇ་ཟི་ར།
སྤྱི་ཟླ་ ༦ པའི་ཚེས་ ༢༦ ལུ་ བོ་ལི་ཝི་ཡའི་ རྒྱལ་ཁབ་ནང་ དམག་སྡེའི་གཙོ་འཛིན་ ཇུ་ཝཱན་ཇོ་སེ་ ཟུ་ནི་ག་གིས་ སྲིད་གཞུང་བཙན་འཕྲོག་འབད་ཐབས་ལུ་ དམག་མི་ཚུ་ཁྱིད་དེ་ སྲིད་འཛིན་གྱི་ ཕོ་བྲང་ཕྱི་ཁར་ གྲ་སྒྲིག་སྦེ་ བཞག་ཐོག་ལས་ ཕོ་བྲང་གི་ འཛུལ་སྒོ་ཚུ་གུ་ ཤུགས་སྦེ་བརྡུངས་ནུག།
ཨིན་རུང་ གནད་དོན་དེ་ དེ་འཕྲལ་ལས་ གནས་ཚུལ་ཐོག་ལས་ འཛམ་གླིང་ག་ཏེ་ལུ་ཡང་ ཁྱབ་སོངཔ་ལས་ འཛམ་གླིང་གི་ དབུ་ཁྲིད་ཚུ་གིས་ དམག་སྡེའི་ལཱ་བྱ་དེ་ ཁྲིམས་འགལ་ཨིན་པའི་ ཁ་ཉེས་བཀལ་བའི་ཤུལ་ལས་ ཟུ་ནི་ག་གིས་ དམག་མི་ཚུ་ལུ་ རྒྱབ་བཤུད་རྐྱབ་དགོ་པའི་ བཀོད་རྒྱ་བྱིན་ཏེ་ བྱེལཝ་དེ་འཇོམས་ཡོདཔ་ཨིན་པས།
དེ་མ་ཚད་ དམག་སྡེའི་ལཱ་ངན་དེ་ལུ་ མི་སེར་ལ་ལོ་ཅིག་གིས་ཡང་ ཁྲོམ་ལམ་ཚུ་བདའ་སྟེ་ འགྲེམ་སྟོན་ཚུ་འབད་ཡོདཔ་ལས་ སྲིད་འཛིན་ཨར་སེ་གིས་ དམངས་གཙོའི་རིང་ལུགས་ཀྱིས་ རྒྱལ་ཁ་ཐོབ་ཡོདཔ་སྦེ་ བོ་ལི་ཝི་ཡའི་ མི་སེར་ཚུ་ལུ་ བཀའ་དྲིན་དགའ་ཚོར་ལུགས་ཚུ་གི་ གསལ་བཤད་གནང་་ཡོདཔ་ད་ དེ་གི་ཤུལ་ལས་ དམག་སྡེའི་གཙོ་འཛིན་ ཟུ་ནི་ག་དེ་ཡང་ འཛིན་བཟུང་འབད་ནུག།
སྲིད་འཛིན་ཨར་སེ་གིས་ སྤྱི་ལོ་ ༢༠༢༠ ལུ་ སྲིད་འཛིན་གྱི་ གོ་གནས་བཞེས་ཡོདཔ་ད་ ད་ཚུན་གྱི་རིང་ལུ་ རྩོད་རྙོག་ཅན་གྱི་གཞུང་དེ་ འགོ་ཁྲིད་མཛད་དེ་ཡོདཔ་ལས་ སྲིད་ཚོགས་གཞན་ཚུ་གིས་འབད་བ་ཅིན་ ཁོ་གིས་ སྲིད་ཚོགས་གཞན་ཚུ་ དབང་ཚད་མེདཔ་ བཟོ་ཐབས་སྒྲིགཔ་མས་ཟེར་ ས་གནས་སཱན་ཏ་ཀུ་རུཛ་ལ་སོགས་པ་ཚུ་ནང་ ངོ་རྒོལ་འགྲེམ་སྟོན་ཚུ་ཡང་ འགོ་འདྲེན་འཐབ་ཡོདཔ་ཨིན་པས།
ལོ་བི་ཝི་ཡ་ལུ་ སྲིད་འཛིན་གྱི་ ཤུལ་མའི་བཙག་འཐུ་དེ་ སྤྱི་ལོ་ ༢༠༢༥ ལུ་ འགོ་འདྲེན་འཐབ་ནི་སྦེ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: