ནིའུ་ཛི་ལེན་གྱི་ མཚོ་གླིང་ལུ་ མེ་རི་ཕྱིར་ཐོན།

ཨཱལ་ཇ་ཟི་ར།
ནིའུ་ཛི་ལེན་གྱི་མཚོ་གླིང་ ཝ་ཡིཊ་ཨའི་ལེན་ཟེར་སར་ མེ་རི་ཕྱི་ཁར་ཐོན་ནི་དེ་གིས་ གནམ་ཁ་ལུ་ དུ་པ་དང་ ཐལཝ་གིས་གང་སྟེ་ གནམ་གྲུ་ཚུ་ འཕུར་མ་ཚུགས་པར་ལུས་ནུག།
སྤྱི་ཟླ་ ༨ པའི་ཚེས་ ༢༢ ལུ་ ཨེ་ཡར་ནིའུ་ཛི་ལེན་ཟེར་མི་ རྒྱལ་ཡོངས་མཁའ་འགྲུལ་གྱིས་འབད་བ་ཅིན་ ནང་འཁོད་གནམ་ཐང་ཚུ་ནང་ མེ་རིའི་ཐལཝ་ཚུ་གིས་ཁྱབ་སྟེ་ གནམ་གྲུ་ ༡༠ དེ་ཅིག་ འཕུར་མ་ཚུགས་པར་ ལུས་ཏེ་ཡོདཔ་མ་ཚད་ མེ་རི་དེ་ འཕྲོ་མཐུད་དེ་ར་ བདུན་ཕྲག་དང་ ཟླཝ་ལས་བཅད་དེ་ ཡང་ འཐོན་ནི་བཟུམ་ཅིག་འདུག་ཟེར་ཨིན་པས།
མེ་རི་ཐོན་སའི་ མཚོ་གླིང་དེ་ ནིའུ་ཛི་ལེན་གྱི་ བྱང་མཚོ་གླིང་ལས་ ཀི་ལོ་མི་ཊར་ ༦༠ དང་ ཨོག་ལེན་ལས་ ཀི་ལོ་མི་ཊར་ ༢༠༠ གི་ ས་ཁར་ཡོདཔ་ད་ མཚོ་གླིང་དེ་ ཧེ་མ་འབད་བ་ཅིན་ བལྟ་བཤལཔ་ཚུ་གི་ ས་གནས་དགའ་ཤོས་ཅིག་ཨིན་རུང་ སྤྱི་ལོ་ ༢༠༡༩ ལུ་ མེ་རི་ཐོན་ཏེ་ མི་གྲངས་ ༢༢ དེ་ཅིག་ལུ་ ཤི་རྐྱེན་བྱུང་ཡོདཔ་ལས་ ད་རེས་ནངས་པར་ མཚོ་གླིང་དེ་ནང་ བལྟ་བཤལཔ་ཚུ་ མི་གཏང་དོ་ཡོདཔ་ཨིན་པས།
ཚན་རིག་པ་ཚུ་གིས་ ནིའུ་ཛི་ལེན་གྱི་ མཚོ་གླིང་གཙོ་བོའི་ནང་ སྡོད་མི་ཚུ་གིས་ མེ་རི་ལས་ཐོན་མི་ རླངམ་ཚུ་གི་ དྲིམ་ལུ་བརྟེན་ཏེ་ མིག་ཏོག་དང་ ལྐོདམ་ཚུ་ དུམ་གྲ་རེ་ ཚ་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: