ར་ཤི་ཡའི་ སྲིད་འཛིན་པུ་ཊིན་གྱིས་ ནུབ་ཕྱོགས་རྒྱལ་ཁབ་ཚུ་ལུ་ཉེན་བརྡ།

སི་ཨེན་ཨེན།
སྤྱི་ཟླ་ ༩ པའི་ཚེས་ ༢༥ ལུ་ ར་ཤི་ཡའི་སྲིད་འཛིན་ ཝཱལ་ཌི་མིར་ པུ་ཊིན་གྱིས་ གལ་སྲིད་ ཤ་རི་ཡ་ལུ་ དེང་དུས་ཀྱི་ རྡུལ་ཕྲན་མཚོན་ཆ་གིས་ཕོག་པ་ཅིན་ ནུབ་ཕྱོགས་རྒྱལ་ཁབ་ཚུ་ མཉམ་འབྲེལ་ཐོག་ལས་ གནོད་འཚུབ་བཀལ་བའི་གྲངས་སུ་ བརྩི་ནི་ཨིན་པའི་ ཉེན་བརྡ་འབད་ཡོེདཔ་ཨིན་པས།
དེ་ཡང་ ཡུ་ཀེ་རེན་གྱིས་ ར་ཤི་ཡའི་ ས་ཁོངས་ནང་ དེང་དུས་ཀྱི་ གོ་མཚོན་མི་ཛ་ཡེལ་ཚུ་ ལག་ལེན་འཐབ་ཆོག་མི་ཆོག་གི་སྐོར་ལས་ ཡུ་ཨེཛ་དང་ བི་རི་ཊེན་ རྒྱལ་ཁབ་ ༢ ཀྱི་བར་ན་ བསྟུན་གྲོས་འབད་དོ་ཡོད་པའི་ ལན་སྦེ་བཤད་ནུག།
པུ་ཊིན་གྱིས་ ར་ཤི་ཡའི་ རྡུལ་ཕྲན་ནུས་ཤུགས་ཀྱི་ གནད་དོན་ཁག་ ༡ སྒྱུར་བཅོས་གཏང་དགོཔ་སྦེ་ གྲོས་ཐག་བཅད་མི་དེ་ཡང་ ར་ཤི་ཡ་ལུ་ རྡུལ་ཕྲན་ནུས་ཤུགས་ཀྱི་ ལྕོགས་གྲུབ་མེད་མི་ཅིག་གིས་ རྡུལ་ཕྲན་ནུས་ཤུགས་ཀྱི་ གོ་མཚོན་ལག་ལེན་འཐབ་པ་ཅིན་ རྒྱལ་ཁབ་གཞན་ཚུ་དང་ མཉམ་འབྲེལ་ཐོག་ལས་ གནོད་འཚུབ་བཀལ་བའི་གྲངས་སུ་ བརྩི་ནི་སྦེ་ཨིན་པས།
གལ་སྲིད་ དེ་བཟུམ་མའི་ རྒྱལ་ཁབ་ཀྱིས་ དེང་དུས་ཀྱི་ གོ་མཚོན་མི་ཛ་ཡེལ་དང་ མཁའ་དམག་གནམ་གྲུ་ ཡང་ཅིན་ ཌྲཱོན་ཚུ་ ལག་ལེན་འཐབ་པ་ཅིན་ ར་ཤི་ཡའི་ཁ་ཐུག་ལས་ རྡུལ་ཕྲན་ནུས་ཤུགས་ཀྱི་ གོ་མཚོན་ལག་ལེན་འཐབ་ནི་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: